Ol Tok Bilong Tilim Ol Nius

Wastua Mas 1

Ritim Kisim Bek 20:15. Orait tok: “Planti man i save bihainim dispela lo, tasol sampela i ting olsem sapos sampela hevi i kamap, orait i no gat rong long stil na mekim ol narapela pasin i no stret. Wanem tingting bilong yu? [Larim man i bekim tok.] Dispela stori i kolim ol gutpela samting i save painim man taim em i bihainim stretpela pasin long olgeta taim.” Soim stori i kirap long pes 12.

Awake! Mas

“Planti man i rispek long Baibel tasol ol i ting planti tok bilong en inap helpim yumi liklik tasol nau long dispela taim. Yu ting wanem? [Larim man i bekim tok. Orait, ritim Rom 15:⁠4.] Dispela stori i kamapim gut as na ol hap bilong Baibel em ol i bin raitim bipo em i gutpela yet long helpim ol man long nau tu.” Soim stori i kirap long pes 28.

Wastua Epril 1

“Taim ol i askim ol man long makim wanpela man bilong bipo em pasin bilong em i bin senisim i stap bilong ol man, planti man i kolim nem bilong Jisas. Olsem wanem? Yu tu bai makim Jisas? [Larim man i bekim tok.] Lukim tok dispela nius i kamapim long as na yumi mas skelim ol kain kain tingting ol man i gat long Jisas na bai yumi ken save long stori tru bilong em. [Ritim Jon 17:⁠3.] Dispela spesel nius Wastaua i kamapim klia tok Baibel i mekim long Jisas na ol tok em i skulim ol man long en.”

Awake! Epril

“I luk olsem taim bilong yumi i sot na yumi no inap mekim olgeta wok samting yumi laik mekim. Yu wanbel long dispela? [Larim man i bekim tok.] Planti man i lukim olsem dispela skultok i bin helpim ol. [Ritim Filipai 1:10.] Dispela nius i givim sampela gutpela tok bilong helpim yumi long mekim gutpela wok long taim bilong yumi.”