Ol Tok Bilong Tilim Ol Nius

Wastaua Novemba 1

“Yu ting ol ensel i laik save long ol samting yumi mekim? [Larim man i bekim tok.] Lukim tok Baibel i mekim long dispela samting. [Ritim Luk 15:10.] Dispela magasin i stori long tok Jisas i mekim long olsem wanem ol ensel inap helpim yumi na olsem wanem ol spirit nogut inap bagarapim yumi.” Soim stori i kirap long pes 16.

Awake! Novemba

Ritim 2 Timoti 3:16 na tok: “Ating bai yu wanbel long tok olsem yumi ken bilipim olgeta tok Baibel i mekim, a? [Larim man i bekim tok.] Dispela magasin i kamapim olsem wanem ol samting bilong bipo em ol i bin painim na ol buk i stori long ol samting i bin kamap bipo i stret wantaim tok Baibel i mekim long kantri Isip bilong bipo.” Soim stori i kirap long pes 15.

Wastaua Disemba 1

“Planti man i bilip olsem i gat sampela lain i stap long ples spirit na ol i save mekim sampela samting long laip bilong yumi. Yu ting wanem? [Larim man i bekim tok. Ritim KTH 12:​7-9.] Dispela magasin i kamapim tok Baibel i mekim long ol lain husat i stap long ples spirit, na ol i mekim wanem samting long yumi, na yumi inap toktok wantaim ol o nogat.”

Awake! Disemba

“Olsem wanem? Sampela taim yu save tingting olsem wai na ol i save selebretim Krismas long Disemba 25 taim Baibel i no stori long wanem de stret mama i karim Jisas? [Larim man i bekim tok.] Olsem dispela skripsa i kamapim, Jisas i no bin bon long taim bilong kol. [Ritim Luk 2:⁠8.] Dispela magasin i stori long sampela pasin ol man i save bihainim long taim bilong krismas, na ol dispela pasin i bin kirap olsem wanem.”