Yusim Ol Olpela Buk na Nius

Planti kongrigesen i gat ol olpela buk na nius i pulap i stap. I gutpela yu kisim sampela bilong ol dispela buk na nius na putim long laibreri bilong yu yet. Olsem wanem? Yu stadi wantaim wanpela Baibel sumatin husat i wok long kamap strong? Sapos olsem, orait kirapim em long kisim sampela bilong ol dispela olpela buk na nius na em tu i ken wokim laibreri bilong em yet. Wasman bilong Skul Tiokratik Bilong Autim Tok i mas sekim sapos laibreri bilong Haus Kingdom i gat ol olpela buk na nius i stap. Maski ol dispela buk na nius i olpela, tok bilong ol i gat strong yet long helpim yumi. I gutpela moa sapos yumi yusim ol olpela buk na nius na ol i no stap nating long buk rum.