Autim Stretpela Save Long Jisas

Pasin bilong yumi long givim bel tru bai go bikpela moa taim yumi save long wei bilong autim stretpela save long Jisas long ol narapela. Jisas em as ston bilong kona bilong haus, na em i as bilong bilip tru. (Efe. 2:20) Sapos Jisas i no stap, bai yumi no inap kisim laip. (Apo. 4:12) So em bikpela samting long olgeta i mas save long wok bilong Jisas insait long ol samting God i tingting pinis long mekim. Planti man i larim ol bilip em Baibel i no as bilong en i giamanim ol. Sori tru, ol bai lus long kisim ol blesing em God i promis long givim long ol man i bilip long Jisas na kamapim dispela bilip. Pasin bilong yumi long givim bel long tok i tru bai kirapim yumi long helpim ol man i gat gutpela bel long kisim stretpela save long Jisas, long em i husat na God i husat, na wok bilong em insait long ol samting God i tingting pinis long mekim. Olsem wanem? Bai yu givim bel long autim stretpela save long Jisas long taim bilong Memorial?