Rot Bilong Autim Tok

Wastaua Epril 1

“Nau mipela i wok long tilim dispela liklik nius long olgeta man long dispela hap. [Givim man bilong haus liklik nius Yu Gat Wanem Tingting Long Baibel? na kamapim askim i stap long fran pes. Soim em bekim i stap long Baibel long 2 Timoti 3:16, na kirapim em long ritim liklik nius.] Planti manmeri i no save long ol gutpela bekim Baibel i kamapim long ol kain askim olsem. [Soim em askim i stap long fran pes bilong Wastaua.] Dispela magasin i stori long hau yu inap painim ol bekim insait long Baibel bilong yu yet.”

Kirap! Epril

“Mipela i raun na stori liklik wantaim ol man long dispela hap, long wanem, planti manmeri i tingting planti long ol senis i save kamap insait long ol famili. Long bipo, ol papamama i save stap olsem bos. Tasol long nau, i luk olsem ol pikinini i bos. Yu ting ol papamama long nau i save skulim gut ol pikinini bilong ol? [Larim man i bekim tok.] Baibel i tok, pasin bilong skulim na lainim gut pikinini em i bikpela samting. [Ritim Sindaun 29:17.] Dispela magasin i stori long tok Baibel i mekim long pasin bilong skulim gut ol pikinini.”