Amamas Long Ol Blesing i Kam Long God Bilong Pasin Laikim

• Yu laik stap long graun i no gat woa, pait na bagarapim man?

• Yu laik bai i no gat sik, pen na hevi, na dai?

• Yu laik bai i no gat wari na hevi bilong tingting planti?

• Yu laik stap long ples we i no gat ol disasta i bagarapim?

God bilong pasin laikim, Krieta bilong dispela naispela graun, i bin tok promis long givim bel isi long ol man, na ol bai stap amamas oltaim oltaim. Dispela i no wanpela driman nating.

Long ol atikol i kamap bihain, mipela i laik bai yu skelim:

• Ol samting Krieta bilong yumi i mekim i soim olsem em i laikim yumi

• Ol tok Baibel i kamapim long yumi

• Ol samting ol profet bilong God i kamapim long ol tok promis bilong em

• Ol samting yumi mekim bilong i stap amamas long nau na kisim ol blesing bilong oltaim oltaim long taim God i makim

Pastaim yumi ken skelim ol samting Krieta i mekim bilong soim olsem em i laikim yumi.