‘Tokaut Olsem God i Laik Mekim Gut Long Ol Manmeri Bilong Em’

Dispela ‘taim bilong God i laik mekim gut long ol manmeri bilong em’ i makim wanpela haptaim na i no makim wanpela yia stret

61:1, 2

• Em wanpela haptaim we Jehova i opim rot yet long ol manmeri i gat pasin daun long harim ol gutpela tok bilong em

• Long taim bilong ol aposel, dispela haptaim bilong mekim gut long ol manmeri i stat taim Jisas i kirap mekim wok autim tok long yia 29 C.E., na em i pinis taim Jehova i bagarapim Jerusalem long yia 70 C.E.

• Long taim bilong yumi, dispela haptaim bilong mekim gut long ol manmeri i kirap taim Jisas i mekim wok king long heven long yia 1914, na em bai pinis long taim bilong traipela hevi tru

Jehova i blesim lain bilong em wantaim ol manmeri husat i olsem ol ‘diwai i sanap strong’

61:3, 4

• Ol longpela diwai long bikbus i save gro wantaim, na wan wan diwai i sapotim narapela

• Ol rop bilong diwai i save pas strong wantaim, na long dispela rot ol inap long sakim strongpela win

• Ol longpela diwai i save haitim ol liklik diwai long taim bilong san, na ol lip i pundaun i givim gutpela gris long graun

Olgeta manmeri insait long ol kongrigesen Kristen long olgeta hap i kisim helpim long ol ‘diwai i sanap strong,’ em ol Kristen God i bin makim