“No Ken Tingting Planti”

Jehova i bin helpim ol man i stap rabis long taim bilong lain Israel long bipo. Long nau, em i mekim wanem bilong lukautim ol wokman bilong em husat i stap rabis?

• God i skulim ol long holim stretpela tingting long mani.—Lu 12:15; 1Ti 6:6-8

• God i skulim ol long mekim wankain pasin long olgeta man.—Jop 34:19

• God i skulim ol long wok hat na sakim ol pasin i no stret.—Pr 14:23; 20:1; 2Ko 7:1

• God i bringim ol i kam long bikpela lain brata Kristen i gat pasin laikim.—Jon 13:35; 1Jo 3:17, 18

• God i tokim ol long ol gutpela samting ol inap bilip na wet long en.—Sg 9:18; Ai 65:21-23

Maski yumi pilim olsem i hatwok tru long karim ol hevi, yumi no ken tingting planti. (Ai 30:15) Jehova bai givim yumi kaikai na klos samting sapos yumi wok yet long painim pastaim Kingdom bilong em.—Mt 6:31-33.

PILAIM VIDIO PASIN LAIKIM I NO INAP PINIS MASKI . . . YU STAP RABIS—KONGO, NA BIHAIN BEKIM OL DISPELA ASKIM:

• 

  Ol brata i stap klostu long ples kibung i mekim wanem bilong soim pasin bilong mekim gut long ol narapela husat i lusim ples bilong ol long kam long kibung?

• 

  Dispela vidio i givim wanem skul long yumi long pasin laikim bilong Jehova long ol man i stap rabis?

• 

  Hau bai yumi inap bihainim pasin bilong Jehova maski yumi gat planti samting o no gat?