Tok Gris

Long 1622 Pop Gregori Namba 15 i kamapim wanpela lain i gat 13-pela kadinal na tupela bisop na wanpela seketeri, na ol i bosim wok bilong ol misineri bilong Misin Katolik. Pop i kolim dispela lain olsem Congregatio de Propaganda Fide, olsem Kongrigesen bilong Grisim Ol Man na Bai Ol i Bilip, o sotpela nem i olsem Tok Gris, na i olsem ol tok bilong grisim o pulim man na bai em i kam long dispela lotu.

Long nau ol i kolim dispela kain tok gris olsem propaganda, na i olsem ol tok giaman bilong pulim tingting bilong man na grisim em, na ol i save mekim olsem long taim bilong pait. Na ol stua na kampani samting i save mekim olsem bilong grisim ol man long baim ol samting bilong ol. Wanpela buk (The World Book Encyclopedia) i tok, tisa i save lainim ol man na bai ol i ken wokim tingting, tasol ol man bilong mekim dispela kain tok gris ol i tokim man long ol samting ol i mas tingting long en.