Pasin Bilong Dring Oltaim Ol i Kisim Long Papamama?

Wanpela nius (The Journal of the American Medical Association) i stori long sampela saientis, i bin skelim wanpela liklik samting i stap long skin bilong yumi ol i kolim jin, na dispela samting i mekim na skin bilong yumi i kamap narapela narapela kain. Ol wanlain jin ol inap wokim wanpela hap tasol bilong skin. Ol saientis i ting wanpela kain jin i mekim na man i laikim pasin bilong dring oltaim. Dispela ripot i tok ol i save em wanem kain jin na em inap mekim na man i laikim dring, tasol yumi no ken tok stret wanem jin i mekim olsem. Man i go pas long skelim ol dispela samting, em i tok: ‘Bikpela [God] i no bin wokim wanpela jin samting i mekim yumi i laikim pasin bilong dring oltaim, nogat. Ating em wanpela jin i save laikim ol samting bilong amamasim skin.’

Nius i tok moa: ‘Ol saveman i tok i no gat wanpela jin insait long skin na em i mekim man i laikim pasin bilong dring. Ol i skelim sampela man ol i gat dispela jin, na ol i no kamap man bilong dring oltaim, tasol sampela i no gat dispela jin long skin na ol i kamap man bilong laikim dring . . . Ating pasin na sindaun bilong man inap kamapim dispela pasin bilong laik long dring oltaim.’