Yu Save Tingim?
Yu bilip olsem man i gat tewel na taim em i dai, skin tasol i dai na tewel i stap laip yet? Planti milion man i bilip olsem, na sampela i ting tewel i save kamap nupela gen long narapela narapela skin samting, o em i go long narapela narapela hap. Baibel i tok wanem long tewel? Ating bai yu amamas long skelim ol askim daunbilo. Bilong kisim bekim bilong ol askim, i gutpela sapos yu skelim gut ol tok bilong Baibel.
1. God i bin wokim Adam long heven o long graun?—Stat 1:26-28.
2. God i wokim Adam inap long em i ken dai tru o em i gat tewel i no inap i dai?—Stat 2:15-17.
3. Sapos Adam i no bin bikhet na mekim rong, em bai dai o nogat?—Rom 6:23.
4. Samting Adam i mekim i kamapim olsem em inap dai tru o em i no inap i dai?—Stat 3:19; 5:5.
5. Adam i bikhet, olsem na em i lusim wanem samting—ples bilong em long graun o long heven?—Stat 1:26-28.
6. Sapos Jisas i kam bilong helpim yumi bambai yumi inap kisim bek samting Adam i lusim, bai yumi kisim bek wanem samting?—Song 37:29; Rom 5:18, 19; KTH 21:1-4.
7. Olsem wanem? Adam i gat tupela hap bilong em, olsem tewel na bodi?—Stat 2:7; 1 Korin 15:45.
8. Sapos yu bilip olsem Adam i gat tewel na bodi, wanem samting i bin mekim sin—bodi bilong em o tewel bilong em?—Song 51:1-4.
9. Sapos yu tok “tewel,” orait, bilong wanem bodi i mas karim hevi long dispela rong?
10. Sapos yu tok “bodi,” orait, bilong wanem tewel i mas i stap laip?
11. Sapos man i mas dai bilong go long heven, ating sin na indai em wanpela gutpela samting, a? Tasol Baibel i tok, sin na indai i samting nogut.—Rom 5:12; 6:21-23.
12. Adam i sakim tok bilong God na mekim rong, olsem na em i kisim wanem pe—indai o laip long narapela hap?—Stat 2:16, 17; 3:19.
13. Olsem wanem? God i givim narapela strafe long bodi bilong Adam na narapela strafe long tewel bilong em?—Saveman 9:5, 10.
14. Dispela tingting long man i kisim pen oltaim long bikpaia, yu ting em tingting bilong God?—Jeremaia 7:31.
15. Pol i tok, pe bilong sin em wanem samting?—Rom 6:23.
16. Pol i save stori long kisim pen oltaim long bikpaia?—Rom 6:7.
17. Sapos bikpaia i stap, bilong wanem man i mas kisim pen oltaim bilong bekim liklik hap taim em i bin stap long graun na mekim sin? Bai yumi tok wanem—God i mekim pasin i no stret na ol man i mekim stretpela pasin?—Rom 9:14.
18. Ol bilipman bilong bipo, ol i ting ol i gat tewel na tewel inap go long heven o long bikpaia?—Stat 37:35; Song 89:48; Aposel 2:34.
19. Ol man i dai pinis, wanem samting tru bai painim ol?—Jon 5:28, 29; 11:23-26; Aposel 24:15.
20. Sapos yumi no gat wanpela tewel i stap laip oltaim, olsem wanem sampela (144,000) inap stap king wantaim Krais long heven?—1 Korin 15:42-49, 53, 54; KTH 14:1, 4; 20:4.a
[Ol Futnot]
a Dispela tok “tewel i no save dai” i no stap long Baibel. Bilong kisim sampela save moa long ol samting i painim man i dai pinis na long gutpela samting ol man i dai pinis i ken wetim, lukim buk Reasoning From the Scriptures (tok Inglis), pes 168-175 (Hell), pes 333-340 (Resurrection), pes 375-384 (Soul, Spirit), em Sosaiti Wastaua bilong Nu Yok i wokim.