Marasin Long Solwara

Wanpela man long Kanada i raitim dispela stori bilong Kirap!

YUMI kisim we planti marasin? Ating bai yu tok, long ol samting i stap insait long bus olsem kain kain lip samting. Wanpela nius (The Medical Post) i kamapim tok bilong Dokta Michael Allen na em i tok, sampela marasin yumi save kisim long narapela kain rot​—⁠em solwara.

Tru, dispela i no nupela samting​—⁠inap planti handet handet yia ol Saina i bin kisim marasin long sampela pis bilong oraitim ol sik bilong ol. Na ol lapun i save long wanpela kain marasin ol man i bin mekim wok long en inap planti yia​—⁠em marasin ol i kisim long lewa bilong wanpela pis (cod-liver oil). Tasol taim yumi skelim save ol man i bin kisim long ol samting long bus bilong wokim marasin, save bilong ol long ol samting i stap insait long solwara bilong wokim marasin long en i liklik.

Tasol sampela samting ol i kisim save long en i narapela kain tru. Olsem: Wanpela pis ol i kolim pafa i save kamapim wanpela kain marasin na ol man i mekim wok long en bilong helpim ol man i gat sik sotwin. Na ol mosong bilong solwara i gat marasin nukleosait, na ol man i mekim wok long en bilong kamapim marasin vidaraben, em wanpela marasin bilong daunim ol vairas o binatang i save kamapim fiva. Na ol i bin kisim marasin staipoldion long wanpela kain braunpela gras bilong solwara na ol i ting ol i ken mekim wok long en bilong helpim ol man i gat sik kensa. Em sampela samting tasol insait long solwara na ol man i save long marasin bilong en.

Tasol rot tru bilong stretim sik yumi no ken painim insait long solwara, nogat. Kingdom bilong God tasol inap truim tok profet olsem: “I no gat man . . . i tok olsem, ‘Mi gat sik.’ ”​—⁠Aisaia 33:24.