Yu Save?
(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 19. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)
1. Jisas i mekim wok planti taim long wanem tok bilong kirapim ol man i harim tok bilong em long save olsem tok bilong em i stret? (Matyu 5:18)
2. Baibel i tok: Husat ‘ol i gutpela ofisa, narapela bilong ol em inap long winim 100 birua, na narapela inap long winim 1000 birua’? (1 Stori 12:8-14)
3. Taim yumi tingim nem bilong Joap, Abisai, na Asahel, em ol strongpela man bilong Devit long pait, yumi save tingim nem bilong husat? (2 Samuel 2:18)
4. Maski ol man i mekim nogut long wanpela man, long wanem, nem bilong Jisas i stap long em, Jisas i tok em i mas mekim wanem bambai em i no ken bagarap? (Mak 13:13)
5. Haman i gat hamas pikinini man ol Juda i bin kilim olgeta i dai, long wanem, ol i birua long ol Juda? (Esta 9:10)
6. Wanem kain ensel i putim paia long maus bilong Aisaia bambai em i ken inapim wok profet bilong em? (Aisaia 6:6, NW)
7. Husat i “bosman bilong haus bilong Herot,” na meri bilong em Joana i givim ol samting bilong em bilong helpim Jisas? (Luk 8:3)
8. Wanem bikpela wok Pol i strongim ol brata long kongrigesen long wok strong bilong kisim? (1 Timoti 3:1)
9. Wanem nem bilong fopela han wara ol i bruk long “wara i kamap long Iden”? (Stat 2:10-14)
10. Pol i tok liklik yis tasol inap mekim wanem? (Galesia 5:9)
11. Wanem nem bilong tripela pikinini man bilong Noa, na long rot bilong ol “olgeta lain manmeri bilong graun” i kamap? (Stat 9:18, 19)
12. Husat em i papa bilong profet Samuel? (1 Samuel 1:19, 20)
13. Long wanem taun antap long maunten ol inap lukluk i go daun long Ples Daun Bilong Jesril, em wanpela hap ol i bin mekim planti pait long en? (Hetman 5:19)
14. Ol Gibeon i mekim pasin giaman, olsem na ol i no kisim bagarap, na ol Israel i givim wanem wok long ol? (Josua 9:27)
15. Ol 12-pela disaipel Jisas yet i makim, ol i kisim wanem nem? (Matyu 10:2)
16. Wanem ol biknem bilong Jisas em i tokim ol disaipel bilong em ol man i no ken kolim long ol? (Matyu 23:8, 10)
17. Pol i bin raitim Buk Hibru long wanem hap? (Hibru 13:24)
18. Jop i kolim wanem hap tok bilong kamapim olsem klostu tru em i dai? (Jop 19:20)
19. Long Israel bipo, ol i save rausim lip bilong bali long wanem ples? (Rut 3:6)
20. Bilong wanem ol brata bilong Josep i bel nogut long em? (Stat 37:3-11)
[Blok long pes 19]
Ol Bekim
1. “Mi tok tru long yupela”
2. Em ol strongpela man bilong lain Gat i save ran spit tru na ol i go stap wantaim Devit long ples drai, long wanem, King Sol i ranim em
3. Mama bilong ol, Seruia
4. Stap strong inap long las de
5. Tenpela
6. Serafim
7. Kusa
8. “Wasman bilong sios”
9. Pison, Gihon, Taigris, na Yufretis
10. Mekim bret olgeta i solap
11. Siem, Ham na Jafet
12. Elkana
13. Megido
14. Ol i kamap man bilong “katim paiawut na karim wara” bilong ol Israel na bilong alta bilong Jehova
15. Ol aposel
16. Tisa na Hetman
17. Itali
18. “Mi bagarap olgeta na inap mi dai”
19. Long ples bilong rausim ol lip bilong bali
20. Long wanem papa bilong em i laikim em moa na em i bin kisim ol driman