Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 25. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Ol i strong long husat i mas helpim Jisas long karim diwai pos bilong em? (Matyu 27:⁠32)

2. Inap 90 taim samting God i mekim wok long wanem tok, taim em i toktok long profet Esekiel bilong kamapim klia tru olsem Esekiel em i man nating tasol bilong graun? (Esekiel 2:⁠1)

3. Pol i tok wanem samting i mas stap olsem as bilong ol gutpela wok bilong helpim ol rabisman samting bambai man bilong givim samting em inap kisim gutpela samting long en? (1 Korin 13:⁠3)

4. Jisas i tokaut long Pita bai mekim wanem inap 3-pela taim long dispela nait taim kakaruk i no krai yet? (Luk 22:⁠34)

5. Wanem lain bilong Israel i kisim graun bilong ol long hap is na wes bilong Jordan? (Josua 13:29; 17:⁠5)

6. Jisas i tok, man i laik i stap nambawan tru, em i mas stap olsem wanem? (Luk 9:​48)

7. Bilong wanem Samson i kisim meri Filistia olsem meri bilong em? (Hetman 13:25–14:⁠4)

8. Maski ol i kilim i dai pinis 10-pela pikinini bilong Haman, Esta i laik king i mas mekim wanem? (Esta 9:​13)

9. Bilong ol manmeri i ken kisim laip, Jisas i tok God bai mekim wanem long dispela taim bilong “bikpela hevi tru”? (Matyu 24:​21, 22)

10. Klostu long taim Josep i laik i dai, em i strongim ol Israel long wanem samting? (Stat 50:24; Hibru 11:⁠22)

11. Husat em i namba wan man bilong wokim ol taun na long kamap strongpela hetman bihain long Bikpela Tait? (Stat 10:​8-​12)

12. Long 60,000 kina silva, King Omri i baim maunten bilong Samaria long husat, na bihain em i kamap biktaun bilong em? (1 King 16:⁠24)

13. Long wanem taun ol i popaia na kolim Pol na Barnabas olsem god Hermes na god Sus? (Aposel 14:​8-​12)

14. Taim Devit na lain bilong em i ranawe lusim Jerusalem bihain long Absalom i bikhet, husat dispela man i wokabaut long maunten na tromoi ston na graun long ol? (2 Samuel 16:⁠13)

15. Daniel i stap arere long wanem wara na em i kisim driman long pait i kamap namel long king bilong not na king bilong saut? (Daniel 10:⁠4)

16. Ol i bin wokim taua bilong Babel long wanem hap? (Stat 11:2)

[Blok long pes 25]

Ol Bekim

1. Saimon bilong Sairini

2. “Man bilong graun”

3. Pasin bilong givim bel long ol narapela man

4. Em bai tok olsem em i no save long Jisas

5. Manase

6. Olsem man i no gat nem

7. Spirit bilong God i stiaim em long mekim olsem; kain marit olsem bai opim rot long em i ken pait long ol Filistia

8. Olsem papa bilong ol, em i mas hangamapim bodi bilong ol long ai bilong ol man bilong makim olsem ol i man nogut

9. Em bai sotim dispela taim

10. God bai kisim bek ol long Isip na bringim ol i go long Graun Bilong Promis

11. Nimrot

12. Semer

13. Listra

14. Simei bilong lain Benjamin

15. Taigris

16. Babilonia