I Gat Planti Mani Long Nau—Husat i Gat?

I Gat Planti Mani Long Nau—⁠Husat i Gat?

YUMI stap long taim we ol man i gat planti mani samting. Ating yu hatwok long bilipim dispela tok, a? Tasol sampela kantri i gat planti mani tru na ol i no inap pinisim. Ol saveman i tok, long yia 2005, mani olgeta kantri i kisim long ol bisnis na kaikai samting ol i bin kamapim, em i winim 60 trilion dola. Em inap olsem 9,000 dola long olgeta wan wan man na meri nau ol i stap. Na dispela mani i wok long i go bikpela.

Yumi kirap nogut long dispela bikpela mani ol kantri i holim. Wanpela nius bilong Yunaitet Nesen i tok, mani bilong 3-pela man i gat planti mani tru, winim olgeta narapela man, em i winim olgeta mani em 48 kantri i stap rabis ol i bungim wantaim long olkain wok bisnis bilong ol. Na wanpela lain (UN Development Programme) i tok, 2.5 bilion manmeri i gat liklik mani tru bilong baim kaikai bilong ol wan wan de. Planti handet milion manmeri i sot tru long kaikai, na ol i no gat gutpela wara bilong dring.

Long Amerika, sampela man i gat wok long tingim sindaun bilong ol man, ol i skelim wanpela lain i stap rabis liklik. I luk olsem ol kain lain olsem ol inap kamap rabis hariap. Winim 50 milion long Amerika ol i stap olsem, maski dispela kantri i gat planti mani tru.

Bilong wanem ol kantri long olgeta hap i wok long kapsaitim planti mani moa i go insait long ol beng samting, tasol planti handet milion rabisman i stap nogut tru? Bilong wanem planti manmeri tru i no gat rot long kisim ol gutpela samting long dispela bikpela mani ol kantri i wok long hipim?

[Rait long pes 3]

Tripela man i gat planti mani tru, winim olgeta narapela man, mani bilong ol i winim mani bilong 48 kantri wantaim em ol i stap rabis

[Piksa long pes 2, 3]

Ol pikinini i wok long dispela faktori bilong wokim brik ol i kisim K1.50 long olgeta de

[Kredit Lain]

[Piksa Kredit Lain long pes 3]