Stadi 16
Kolim Gen Tok; Wokim Han
1 Yumi laik helpim ol man bambai ol i no ken lusim tingting long ol tok yumi mekim na bai ol i ken bihainim. Sapos yumi kolim gen ol bikpela tok yumi bin kamapim insait long tok, ol man bai tingim gut tok bilong yumi, na ol i no ken lusim.
2 Sapos yumi kolim gen ol tok, bai ol man i kisim gut, na yumi bai givim gutpela save long ol.
3 Kolim gen ol bikpela tok. I gat tupela pasin bilong kolim gen ol bikpela tok. Wanpela kain em olsem: Insait long tok, taim yu stori pinis long wanpela bikpela tok, kolim gen sampela hap tok bilong en; na mekim narapela bikpela tok na kolim gen sampela hap tok bilong dispela tu. Taim yu mekim olsem, skruim tok i go long ol bikpela hap tok bipo yu bin kamapim.
4 Narapela pasin em olsem: Long pinis bilong tok, sotim ol bikpela tok yu bin kamapim insait long namel bilong tok na kolim gen. Yu ken mekim olsem: Mekim tok piksa; kaunim wanpela ves; mekim askim. Olsem: Sapos yu mekim pablik-tok, ating long pinis bilong en yu ken toktok inap 5 minit samting na kolim gen ol bikpela tok na ves yu bin kamapim insait long tok.
5 Kolim gen ol tok ol man i no kisim gut. Yu mas tingim ol man bilong harim. Ol i kisim gut tok bilong yu o nogat? Sapos nogat, yu ken kolim gen sampela bikpela tok yu bin kamapim. No ken kolim gen long wankain tok tasol; yu mas kolim long narapela kain tok na stori gut long en bambai ol i ken kisim gut dispela tok.
6 Taim yumi laik stori long wanpela samting, yumi ken mekim wok long han; em bai helpim tok bilong yumi.
7 Wokim han taim yu stori long wanpela samting. Sapos yu laik stori long man i mekim wanpela samting o em i go long wanpela hap, yu ken mekim wok long han wantaim bilong makim dispela samting. O sapos yu laik stori long mak bilong wanpela samting i bikpela olsem wanem, yu ken opim han bilong yu na makim dispela.
8 Taim yu wokim han, em bai helpim tok. Sapos yumi wokim han bilong helpim tok bilong yumi, ol man bai save yumi givim bel long mekim dispela tok. Tasol yumi no ken wokim han long wanpela kain pasin tasol; yumi mas wokim long narapela narapela kain pasin. Sapos yumi mekim olsem, dispela bai helpim tok bilong yumi.