Stadi 25
Tok i Gutpela Bilong Autim Long Taim Yu Go Autim Tok
1 Yumi ol Kristen i gat bikpela wok long autim tok na lainim man. Sapos yumi laik bai tok bilong yumi i helpim ol, em i mas stret long ol. Yumi mas kolim ol tok ol inap save gut long en.
2 Taim yumi autim tok na toktok wantaim wanpela man long sampela tok bilong Baibel, yumi no ken kamapim ol strongpela tok; yumi mas kamapim sampela gutpela tok ol inap kisim gut.
3 Yumi save long planti tok bilong Baibel, olsem na sampela tok yumi save kolim em narapela kain na ol man bilong ausait i no save long en, olsem: Remnan, Armagedon, Kingdom. Olsem na taim yumi autim tok long man bilong ausait o yumi lainim man yumi mas kamapim gut insait bilong ol dispela kain tok.
4 Wasman bilong Skul i ken skelim tok bilong ol sumatin bilong Skul, na sapos ol i kamapim sampela kain tok olsem, em i ken tingting: Sumatin i kamapim gut insait bilong dispela tok o nogat?
5 Tok i stret long nupela man. Taim yumi autim tok yumi mas kamapim tok i stret long nupela man. Taim yu mekim tok insait long Skul, tingim sampela tok i stret long ol nupela man o ol man bilong ausait, na kamapim dispela. Wasman bilong Skul bai skelim tok bilong yu, i stret long nupela man o nogat, na em bai givim sampela tok long yu.
6 Yu mas askim skin bilong yu: Mi laik bai ol man i lainim wanem samting long tok bilong mi? Mi ken kamapim wanem tok na bai dispela tok i stret long ol?
7 Taim yu go long haus bilong wanpela man na autim tok long em, kamapim gut tok na bai em i save tok bilong yu inap helpim em. Sapos yu no mekim olsem, bai em i no ken putim yau long tok bilong yu.