Wanpela King Bilong Heven Em i Bosim Gut Graun
41 Jehova i putim Jisas i stap King long heven.—Aisaia 9:6; Daniel 7:13, 14; Aposel 2:32-36
42 Em bai bosim olgeta hap bilong graun.—Daniel 7:14; Matyu 28:18
43 Wanem samting bai painim ol man nogut? Yu tingim?—Song 37:9, 10; Luk 13:5
44 Wanem nem bilong namba wan ensel i bikhet? Yu tingim? Bai Jisas i rausim em na ol narapela ensel nogut. Ol piksa na god giaman bilong ol bai bagarap.—Hibru 2:14; Kamapim Tok Hait 20:2, 10
45 Jisas bai mekim planti gutpela samting bilong helpim ol manmeri i bihainim tok.—Hibru 5:9
46 Bai ol man i no gat sik moa.—Aisaia 33:24; Kamapim Tok Hait 22:1, 2
Jisas i bin oraitim ol sikman long bipo, a? Yu tingim?
47 Bai olgeta manmeri i gat planti gutpela samting.—Aisaia 65:17, 21-23
48 God i save tingim tu ol manmeri i dai pinis. Long rot bilong Jisas bai em i kirapim bek ol na bai ol i stap laip gen.—Jon 5:28, 29; 11:25
49 Taim ol man nogut i bagarap pinis, bihain bai ol manmeri i no ken i dai moa. Na ol animal bilong bus tu ol i no ken kilim i dai sampela man. Bai olgeta manmeri i stap amamas oltaim oltaim.—Kamapim Tok Hait 21:4; Aisaia 65:25; Song 37:11, 29