Namba 6 Hap

Ol Stretpela Lo Bilong Maritpasin Samting

Ating planti yangpela bai opim buk long dispela hap pastaim. Bilong wanem ol bai mekim olsem? Long wanem ol i gat planti askim long dispela samting, na ol i gat kain kain tingting long stretpela pasin ol i mas bihainim. Yumi mas bihainim stretpela lo bilong maritpasin​—ol singel i no ken mekim maritpasin, olsem ol i no ken pamuk. Na i gat stretpela lo long ol narapela pasin tu. Olsem: Sapos yangpela man o meri i save mekim ol tok giaman o em i save giaman long skul, yu ting em i bihainim stretpela pasin? Na yu ting sampela taim i orait sapos yu giaman? Baibel i kolim klia stretpela pasin yumi mas bihainim long ol dispela samting.