Singsing 98
Planim Sid Bilong Kingdom
1. Yupela wokboi blong Jehova,
Givim bel olgeta long em.
Kam mekim wok bilong Bikpela,
Na bihainim lek bilong em.
Kam planim ol sid bilong tok i tru
Long graun inap karim kaikai.
Gutpela wok bai givim biknem long God
Taim yu givim bel long autim tok.
2. Sampela taim ol sid yu planim
Bai go long graun i gat ol ston.
Ating em i gro inap hap taim,
Tasol em i no putim rop.
Taim rop i gat nil i daunim ol tok,
Pasin blong graun i pulim ol.
Tasol sampela sid bai karim kaikai
Long graun i gutpela na i klin.
3. Yumi yet tu inap long mekim
Na ol sid i karim kaikai.
Laikim tru ol man na no ken les,
Na bai ol i pilim gut tok.
Yu nap helpim ol na ol i no pret;
Mekim long gutpela pasin.
Na bai yu ken amamas long wok blong yu
I karim gutpela kaikai tru.
(Lukim tu Mat. 13:19-23; 22:37.)