Pilim Hevi Bilong Man

Samting Jisas i Mekim

VIDIO: Jisas i Sori Long Bikpela Lain Manmeri

1. Lukim VIDIO, o ritim Mak 6:​30-34. Na skelim ol dispela askim:

1. Wai na Jisas na ol aposel bilong em i laik go long hap i no gat man na “bai ol yet i ken i stap”?

2. Wanem samting i kirapim Jisas long skulim bikpela lain manmeri?

Yumi Kisim Wanem Skul Long Jisas?

2. Pasin bilong pilim hevi bilong ol man bai kirapim yumi long autim gutnius long ol, na tu, yumi tingim ol.

Bihainim Pasin Bilong Jisas

3. Putim gut yau. Larim man i kamapim tingting bilong em. No ken katim tok bilong em, o mekim olsem yu no tingim filings, o tingting bilong em, o ol samting em i no wanbel long en. Taim yu putim gut yau long em, yu soim olsem yu pilim tingting bilong em.

4. Tingim tingim man i laik harim tok. Tingim samting yutupela i stori long en na askim yu yet:

1. ‘Wai na em i mas kisim save long tok i tru?’

2. ‘Taim em i stadi long Baibel, olsem wanem dispela inap mekim i stap bilong em long nau na long bihain i kamap gutpela?’

5. Stori long ol samting we inap helpim em. Kirap hariap long soim em hau stadi long Baibel inap bekim ol askim bilong em, na inap helpim em long planti samting.