Insait Bilong Ol Tok i Kam long Olgeta Hap
I No Pasin Sori Tru
John A. Howard (presiden bilong The Rockford Institute) em i stori long pasin nogut i go bikpela tru long nau, na em i tok: “Wanem as bilong dispela hevi? Taim mi tokim ol pikinini bilong mi, taim mi liklik yet mipela i no save lokim dua bilong haus long san o long nait, na taim mipela pakim ka long biktaun Sikago mipela i no save lokim, no gat wok long mekim olsem, ol i kirap no gut tru. ol i no bin lukim kain taim olsem. Long taim bilong ol manmeri bilong dispela taim nau bikpela senis i bin kamap.” Em i tok wanpela bikpela samting i mekim na nau pasin nogut i go bikpela em olsem: Ol misin i no mekim gut wok bilong ol. Em i tok: “Bipo, long ol haus lotu na bilong ol haus lotu bilong ol Juda … ol i save helpim ol yangpela bambai ol i ken save wanem pasin i stret na wanem pasin i no stret. … Tasol planti pasto long nau ol i lusim ol Tenpela Lo na ol i autim tok long wanpela kain pasin bilong sori i no gat strong bilong en. Em i no pasin sori tru. I no gat ol lo o tambu bilong en o sampela sakrifais ol man i mas laikim, olsem na olgeta manmeri i ken bihainim.”
Yumi no ken kirap nogut long dispela samting, long wanem Baibel i tok pinis, bai wanpela taim i kamap na “ol man i no laik kisim stretpela tok. Nogat. Bai ol i bihainim laik bilong ol yet tasol na kisim planti tisa bilong ol, na ol tisa i skirapim ia bilong ol long sampela tok ol i laikim tumas. Na bai ol i givim baksait long tok tru.”—2 Timoti 4:3, 4, NT.
Mekim Wok long Ol Buk Olsem Marasin
“Gutpela buk em i olsem gutpela marasin.” Ol i raítim dispela tok olsem wanpela hettok long wanpela nius bilong ol dokta (“The Doctor Game”). Wanpela dokta bilong Kanada em i raitim dispela tok na em i tok olsem: ‘Sampela dokta i save kirapim ol sikman long kaunim ol bule na dispela samting i helpim ol long stretim sik bilong ol.’ Olsem wanem? Dispela pasin i helpim tru ol? Dispela dokta i stori long planti manmeri, em dispela pasin bilong kaunim ol buk i bin helpim tru ol, winim marasin. Dispela dokta i toleim wanpela sikman, olsem: ‘Yu tok skin bilong yu i pen na i les na yu save tingting planti long ol samting. Inap 10-pela yia pinis yu kam tokim mi long ol dispela sik bilong yu. Tasol yu stap laip yet. Kain kain dokta ol i bin givim eksre (X-ray) long yu na kisim piksa bilong olgeta hap bilong skin bilong yu, Ol i glasim skin bilong yu na skelim blut bilong yu na mekim olgeta kain olsem. Kain kain marasin i pulap long haus bilong yu inap long dispela haus i kamap olsem wanpela haus marasin. Gutpela sapos yu rausim olgeta dispela marasin samting na yu go long haus buk na kisim sampela gutpela buk bilong kaunim.”
Wanpela gutpela buk em inap helpim tru ol man, em dispela buk ol man i save baim planti tru, winim olgeta narapela buk, em Baibel. Sapos ol man i kaunim tok bilong Baibel, dispela samting inap helpim ol long nau na bai ol inap bilip na wetim gutpela samting i kamap long bihain. Dispela dokta i stori long ol marasin bilong nau na em i tok: ‘O1 samting ol dokta i mekim long nau bilong stretim sik bilong ol man i givim tingting kranki long ol na ol i no save wanem samting tru inap helpim skin bilong ol long i stap gutpela. Olsem na long nau planti man ol i no gat sik, skin bilong ol i stap gutpela, tasol ol i ting olsem ol i gat sik.’