Mipela i Amamas Long Yupela i Kam Long “Ol Man i Stap Olsem Lait” Kibung Distrik
LONG namba wan de bilong Jehova i wokim olgeta samting, lait i kamap. God Jehova i tok: “Lait i mas kamap,” olsem na “lait i kamap.” (Stat 1:3) Dispela tok i stret wantaim tok bilong aposel Jon, em i tok: “God em i lait, na i no gat liklik hap tudak i stap long em.”—1 Jon 1:5.
Pikinini bilong God i wanbel wantaim Papa bilong em, olsem na yumi no ken kirap nogut long tok bilong Jisas, em i tok: “Mi lait bilong dispela graun.” (Jon 9:5) Sapos yumi bilip long God Jehova na Pikinini bilong em, yumi inap lusim tudak bilong dispela graun na kam insait long dispela lait. Na Jisas yet i tok: “Mi kam long dispela graun olsem lait, bilong olgeta man i bilip long mi ol i no ken i stap long tudak.” (Jon 12:46) Olsem na taim Jisas i stori long ol disaipel tru bilong em, i stret em i tok: “Yupela i olsem lait bilong graun. . . . lait bilong yupela i mas lait long ai bilong ol manmeri, bai ol i lukim ol gutpela pasin yupela i mekim, na bai ol i litimapim nem bilong Papa bilong yupela i stap long heven.”—Matyu 5:14, 16.
Dispela lain i olsem ‘gutpela wokboi,’ ol i bin helpim yumi long kisim save long tok i tru, na yumi save gut long insait bilong ol tok bilong God long Baibel, na em gutpela samting tru. (Matyu 24:45-47) Bilip bilong God Triwan i no paulim moa tingting bilong yumi; na yumi save pinis bilong wanem bikpela God bilong pasin sori em i larim pasin nogut i stap long graun; na yumi save ol man i dai pinis ol i stap olsem wanem. Dispela “lait” i helpim yumi long tingim gutpela samting i kamap long bihain, em ol samting Kingdom bai mekim. Em i helpim yumi long save gut long ol gutpela pasin bilong God, em Man bilong wokim olgeta samting. Yumi kisim save long “lait” bilong tok i tru, olsem na i gat as bilong i stap bilong yumi, em yumi mas mekim dispela wok em God i bin putim yumi long graun bilong mekim—yumi mas litimapim nem bilong Man bilong wokim yumi, em God Jehova. Yumi mekim olsem taim yumi stap olsem lait long ai bilong ol manmeri. Em wanpela gutpela wok tru yumi inap mekim, tasol em wanpela bikpela wok tu, na yumi mas tingting gut na mekim. Yumi mas mekim wok long olgeta samting Jehova i bin givim long yumi, na bai yumi inap mekim gut dispela wok bilong yumi. Olsem na i stret nem bilong ol kibung distrik bilong yumi bilong 1992, em olsem: “Ol Man i Stap Olsem Lait” Kibung Distrik!
Yumi laik save, olsem wanem yumi inap stap olsem gutpela lait. Na yumi laik pilim tru dispela wok bilong yumi. Olsem na gutpela sapos yumi go long wanpela bilong ol dispela kibung. Gutpela sapos yumi harim olgeta tok i kamap long kibung, kirap long taim ol i mekim namba wan singsing i go inap long taim ol i mekim laspela beten. Na yumi mas putim gut yau long olgeta tok ol brata i mekim long pletfom, maski brata yet i toktok, o sampela i kamapim ekspiriens bilong ol, o em i wanpela pilai. Sapos yumi gat notbuk, na yumi raitim sampela bikpela tok yumi bin harim, dispela samting bai helpim yumi long putim gut yau. Taim yumi stap long kibung, long olgeta taim yumi mas tingting long “harim gut tok.”—Luk 8:18.
Ol Kibung Bilong 1992-1993
Papua Niugini
DISEMBA 25-27
PORT MORESBY, N.C.D., (tok Inglis, tok Pisin, tok Motu).
JANUERI 1-3
ALOTAU, M.B.P., (tok Inglis).
KLINWARA, W.N.B.P., (tok Pisin).
RABAUL, E.N.B.P., (tok Pisin).
JANUERI 2, 3
KIKORI, G.P., (tok Motu).
JANUERI 15-17
AGI, M.B.P., (tok Motu).
LAE, M.P., (tok Pisin).
KAVIENG, N.I.P., (tok Pisin).
JANUERI 16, 17
KEREMA, G.P., (tok Motu).
JANUERI 22-24
MADANG, MDG.P., (tok Pisin).
JANUERI 23, 24
DARU, W.P., (tok Inglis, tok Motu).
POPONDETTA, N.P., (tok Pisin, tok Motu).
LORENGAU, MNS.P., (tok Pisin).
JANUERI 29-31
WEWAK, E.S.P., (tok Pisin).
JANUERI 30, 31
LAKE MURRAY, W.P., (tok Motu).
(Bilong save ol narapela rait i stap we long pes, lukim buk o magasin)