Kam Long Ol “Gutpela Tok Ples” Kibung Distrik
LONG Sefanaia 3:9 (NW ) Baibel i tok: “Long dispela taim bai mi givim wanpela gutpela tok ples long ol man na bai ol i ken singaut long nem bilong Jehova bambai ol i ken wok gut wantaim long mekim wok bilong em.” Dispela tok em i as tok bilong ol “Gutpela Tok Ples” kibung distrik bilong 1990 na 1991.
Ol dispela kibung bai kirap long Fonde, long apinun, bihain liklik long 1 klok, na kibung bai pinis long Sande long 4 klok samting long apinun. Gutpela sapos yu kirap nau long stretim rot bambai yu inap i kam long kibung long olgeta de na harim olgeta tok, kirap long namba wan singsing na beten i go inap long laspela beten long Sande long apinun.
Kisim Baibel na buk singsing i kam, na liklik notbuk o pepa samting bambai yu ken raitim sampela tok yu harim. Na yu mas redi long kisim ol gutpela kaikai bilong spirit long kibung, na bai ol tok bilong kibung inapim yu long mekim gut dispela gutpela tok ples na mekim gut wok bilong Jehova.
Ol Ples Kibung
DISEMBA 27-30, 1990
POT MOSBI, (Tok Inglis, tok Motu, tok Pisin)
JANUERI 10-13, 1991
LAE, (Tok Inglis, tok Pisin)
RABAUL, (Tok Inglis, tok Pisin)
LAKE MURRAY, (Tok Motu)
AGI, (Tok Motu)
Miting Bilong Ol Memba Bilong International Bible Students Association of Papua New Guinea
Long Sarere, Oktoba 6, 1990, ol memba bilong International Bible Students Association of Papua New Guinea, Inc. bai bung long 5 klok apinun long Haus Kingdom, long Hohola, Port Moresby, Papua New Guinea.