Yu Tingim Yet?

Olsem wanem? Yu bin amamas long kaunim tok bilong ol nupela Wastaua? Sapos olsem, mekim traim long bekim ol dispela askim daunbilo:

▫ Bilong wanem ol Kristen bilong pastaim i no save wokim pati samting bilong tingim de mama i bin karim Jisas?

Wanpela bikpela buk (The World Book Encyclopedia) i tok: “Ol Kristen bilong pastaim i no save wokim pati samting bilong tingim de mama i bin karim [Jisas], long wanem, ol i tingim dispela pasin bilong wokim pati bilong betde em i wanpela pasin bilong ol haiden.”​—⁠12/15, pes 4.

▫ Yumi mas beten long Jisas o olsem wanem?

Nogat. Beten i olsem wanpela pasin bilong lotu na yumi mas beten long God wanpela tasol, em God i Gat Olgeta Strong. Taim yumi beten long God Jehova, yumi kamapim klia yumi bihainim pasin bilong beten em Jisas i lainim yumi long en, olsem: “Papa bilong mipela, yu stap long heven.” (Matyu 6:⁠9)​—⁠12/15, pes 25.

▫ Bilong wanem strafe King Devit i kisim long bikpela rong em i bin mekim i narapela kain long strafe Ananaias na Safaira i kisim? (2 Samuel 11:​2-24; 12:​1-14; Aposel 5:​1-11)

Sin long skin bilong King Devit i mekim na em i pundaun na mekim rong. Taim em i save em i gat rong, em i bel hevi tru na tanim bel na Jehova i marimari long em​—⁠tasol bikpela strafe i painim em long ol hevi i kamap long famili bilong em. Ananaias na Safaira i giaman tru na ol i wok long giamanim lain Kristen, na long dispela rot ‘ol i laik giamanim spirit holi na giamanim God yet.’ (Aposel 5:​3, 4) Dispela i kamapim klia olsem ol tingting nogut i pulap long bel bilong ol. Olsem na ol i kisim bikpela strafe moa.​—⁠1/1, pes 27, 28.

▫ Wanem samting inap helpim yumi na bai yumi amamas long mekim wok bilong Jehova?

Yumi ken tingim ol gutpela blesing na gutpela wok holi dispela God tru i bin givim long yumi na yumi mekim, na yumi ken amamas long dispela. Na yumi save, taim yumi bihainim tok bilong God long Baibel, God i laikim dispela samting, na dispela i mekim na yumi amamas.​—⁠1/15, pes 16, 17.

▫ Yumi mas tingim wanem tupela samting sapos yumi laik strongim man?

Namba wan, tingim gut wanem tok yu ken givim man bilong strongim em. Na namba 2, painim rot bilong tok amamas long man i mekim gutpela wok samting o man i bel hevi.​—⁠1/15, pes 23.

▫ Bilong wanem “planti manmeri tru” i “holim ol lip bilong diwai pam”? (KTH 7:⁠9)

Pasin bilong holim ol lip bilong diwai pam i makim olsem ol dispela planti manmeri tru i amamas long Kingdom bilong Jehova na King em i bin makim. (Lukim Wok Pris 23:​39, 40.)​—⁠2/1, pes 17.

▫ Stori bilong Jop i gat wanem ol gutpela tok bilong skulim yumi?

Hap bilong Jop long Baibel i helpim yumi long save olsem wanem yumi ken stretim ol hevi. Em i soim yumi long pasin bilong givim tok long man i gat hevi​—⁠na long pasin yumi no ken mekim bilong givim tok long man. Na samting i painim Jop inap helpim yumi long bihainim stretpela pasin long taim hevi i bagarapim yumi.​—⁠2/15, pes 27.

▫ Ol mirakel bilong Jisas i skulim yumi long wanem samting?

Ol i litimapim nem bilong God, na ol Kristen tu i mas “litimapim nem bilong God.” (Rom 15:⁠6) Ol dispela mirakel i kirapim ol man long mekim gut long ol man, na givim ol samting long ol, na mekim pasin sori.​—⁠3/1, pes 8.

▫ Bilong wanem ol elda i save givim ol askim long ol manmeri i dediket nupela?

Inap long ol i ken save, dispela man o meri i save gut long ol bikpela as tok bilong Baibel na em i save long ol samting em i mas mekim bilong i stap Witnes Bilong Jehova, o nogat.​—⁠3/1, pes 13.

▫ Ol beten i stap long Baibel i ken helpim yumi olsem wanem?

Sapos yumi glasim gut ol beten i stap long Baibel, yumi inap luksave long ol beten ol man i bin mekim taim wankain samting i painim ol olsem i painim yumi. Sapos yumi inap painim na kaunim na tingim ol kain beten olsem, dispela bai helpim yumi taim yumi laik toktok wantaim Jehova long rot bilong beten.​—⁠3/15, pes 3, 4.

▫ Stori long pasin bilong pret long God.

Dispela pasin i mekim na yumi daun tru long Jehova na yumi pret tru long mekim wanpela samting em i no laikim. (Song 89:⁠7)​—⁠3/15, pes 10.

▫ Wanem tripela rot bilong Baibel i skulim yumi olsem yumi gutpela samting tru long ai bilong Jehova?

Baibel i skulim yumi olsem God i tingim yumi olgeta wan wan i olsem samting i gat bikpela pe bilong en (Luk 12:​6, 7); Baibel i kamapim ol samting Jehova i lukim long yumi na em i save laikim tru (Malakai 3:16); na Baibel i kamapim samting Jehova i bin mekim bilong kamapim olsem em i laikim tru yumi. (Jon 3:16)​—⁠4/1, pes 12, 14.

▫ Olsem wanem yumi ken tok, tok bilong Hibru 10:​24, 25 i no wanpela lo tasol long yumi mas bung wantaim?

Dispela tok bilong Pol i kolim ol samting God i laik bai ol Kristen i mekim long olgeta miting Kristen​—⁠na long olgeta narapela taim ol Kristen i save bung wantaim.​—⁠4/1, pes 16.