Kingdom Bilong God Em i Wanem Samting?
MAN! Wanpela samting nogut tru i bin kamap long ol man long pastaim tru! Wanpela ensel i bikhet long wok bos bilong Man i bin wokim em. Dispela bikhetman i grisim namba wan meri, Iv, long kaikai prut tambu. Ensel i mekim tok i go long Iv na man bilong em Adam: “Yutupela i no inap i dai. Sapos yutupela i kaikai pikinini bilong dispela diwai, bai ai bilong yutupela i op na yutupela i kisim save long wanem samting i gutpela, na wanem samting i nogut, na bai yutupela i kamap wankain olsem God. God i save long dispela, olsem na em i tambuim yutupela long kaikai pikinini bilong dispela diwai.” (Stat 2:16, 17; 3:1-5) Dispela bikhet ensel i kisim nem Satan na Man i Save Kotim Olgeta Manmeri.—KTH 12:9.
Yu ting Iv i putim yau long tok bilong Satan? Baibel i tok: “Meri i lukim dispela diwai i naispela tru na i gat ol gutpela pikinini tru bilong kaikai i stap long en. . . . Olsem na meri i kisim pikinini bilong dispela diwai na i kaikai. Na em i givim sampela long man bilong em, na man tu i kaikai.” (Stat 3:6) Em nau, namba wan man na meri, em Adam na Iv, ol i bung wantaim Satan long bikhet long God. Olsem na Paradais i lus long tupela yet wantaim ol pikinini bilong ol. Tupela i bilong kamapim ol pikinini i nambawan olgeta na ol inap i stap oltaim oltaim, tasol nau ol pikinini bai kisim sin na indai long papamama bilong ol.—Rom 5:12.
Orait God Jehova, em King bilong heven na graun, em i mekim wanem long dispela? Em i stretim rot bambai em i ken lusim sin bilong ol man. (Rom 5:8) Na God Jehova i bin kamapim wanpela wok gavman bilong stretim dispela hevi. Baibel i kolim dispela samting olsem “kingdom bilong God.” (Luk 21:31) Dispela Kingdom i olsem helpim bilong wok king bilong God, olsem na Kingdom i gat wanpela wok stret bilong mekim.
Kingdom bilong God i gat wanem wok bilong en? Em i gat wanem ol samting bilong en? Ol i narapela kain long ol wok gavman bilong ol man o olsem wanem? Kingdom i mas kirap mekim wok long wanem taim? Bai yumi skelim ol dispela askim long stori i kamap bihain long dispela.