Askim

◼ Sapos brata i lukautim ol ripot i kisim ripot bilong wok autim tok bilong ol pablisa bihain long taim em i salim pinis ripot bilong kongrigesen i go long Sosaiti, orait em i mas mekim wanem?

I gutpela long givim hariap ripot long pinis bilong olgeta mun. Sampela pablisa i save putim ripot bilong wok autim tok long baksait bilong Baibel bilong ol, o buk singsing, o long wanpela hap i no hatwok long painim. Long dispela rot taim ol i autim tok pinis ol inap raitim ol samting bilong autim tok long ripot, na tu, ol i kisim dispela ripot i go long Haus Kingdom na long pinis bilong mun ol inap givim ripot. Mekim ol samting yu inap mekim bilong givim ripot bilong yu long taim stret.

Tasol olsem wanem sapos yu lusim tingting o yu leit long putim ripot? Plis givim yet ripot bilong yu. Brata i lukautim ol ripot bilong wok autim tok bai raitim ol aua samting long kat bilong pablisa long mun stret yu autim tok long en. Na em bai bungim dispela ripot bilong yu long ripot bilong kongrigesen bilong mun bihain na salim i go long Sosaiti.

Olsem: Sapos pablisa i leit long givim ripot bilong Julai na em i givim ripot bilong Ogas long taim stret, orait ol bai raitim ol aua samting bilong tupela mun long ripot bilong kongrigesen bilong Ogas. Olsem wanem? Ol bai kaunim em olsem tupela pablisa long Ogas? Yes, ol bai mekim olsem, long wanem, ol i no bin kaunim em olsem pablisa long Julai. Dispela bai mekim na Sosaiti i kisim olgeta ripot, na ol averes bilong ol aua samting long pinis bilong yia bai i stret.

Sampela elda i laik save, sapos ol pablisa i no bin putim ripot i stret ol i go askim ol long putim ripot long pinis bilong mun o nogat. Taim kuskus o wasman bilong Buk-Stadi i go lukim ol pablisa na kirapim ol long putim ripot long pinis bilong mun, planti taim ol inap bungim olgeta ripot na salim i go long Sosaiti. Yu mas save olsem ol brata yu kirapim long putim ripot, ol bai amamas long yu helpim ol na tingim ol.