Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • km 2/94 p. 6
  • Askim

No gat vidio bilong dispela seksen.

Sori, popaia kamap long lodim vidio.

  • Askim
  • 1994 Wok Kingdom Bilong Yumi
  • Wankain Infomesen
  • Mekim Wok Autim Tok i Kamap Gutpela Moa—Bekim Tok Long Man i Laik Pasim Yu Long Autim Tok
    2014 Wok Kingdom Bilong Yumi
  • Toktok Gut Wantaim Man Bilong Haus
    2011 Wok Kingdom Bilong Yumi
  • Mekim Gut Ol Gobek
    1993 Wok Kingdom Bilong Yumi
  • Mekim Gut Wok Bilong Helpim Man Long Kisim Laip Oltaim
    1993 Wok Kingdom Bilong Yumi
Lukim Moa
1994 Wok Kingdom Bilong Yumi
km 2/94 p. 6

Askim

◼ Yumi mas mekim wanem samting sapos man bilong haus i tok strong olsem em i no laik bai ol Witnes Bilong Jehova i kam autim tok gen long em?

1 Sapos yumi lukim wanpela toksave long dua i tok, i tambu long man i laik toktok long samting bilong lotu o i tambu long ol Witnes Bilong Jehova i kam, i gutpela sapos yumi bihainim dispela tok​—⁠em laik bilong man bilong haus​—⁠na yumi no ken paitim dua.

2 Sampela taim yumi lukim toksave i tok ol man i baim ol samting i go long ol man o ol man i kam long haus na singaut long mani bilong helpim sampela lain, ol i no ken kam. Tasol yumi no mekim kain wok olsem​—⁠yumi mekim wok bilong lotu long helpim ol man​—⁠olsem na yumi ken paitim dua. Sapos man i no amamas, orait long pasin isi yumi ken tokim em bilong wanem yumi ting dispela toksave i no makim mipela. Sapos nau man bilong haus i tok ol Witnes Bilong Jehova tu i kain lain olsem, yumi mas bihainim laik bilong em.

3 Long taim yumi go lukim man, bai wan wan man bilong haus i kros na bai em i tok strong olsem yumi no ken kam lukim em gen. Yumi mas bihainim dispela laik bilong man. Yumi mas raitim wanpela hap pepa na putim det long en na putim long karamap bilong mep bilong teritori na ol pablisa i wokim teritori bihain i no ken go autim tok long dispela man.

4 Tasol yumi no ken lusim ol kain haus olsem inap long olgeta taim bihain. Man i stap long haus nau, em inap lusim haus. O yumi inap bungim narapela man long dispela haus i amamas long harim tok. O nogut dispela man yumi bin toktok long em i senisim tingting bilong em na em i orait long yumi kam lukim em. Olsem na bihain yumi ken go lukim gen ol man bilong haus na long gutpela pasin yumi ken kisim save olsem nau ol i gat wanem kain tingting.

5 Wanpela taim long yia yumi mas lukim fail bilong teritori na wokim wanpela lista bilong olgeta haus em ol man i bin tok ol i no laik bai mipela i kam lukim ol. Wasman bilong wok autim tok bai makim sampela pablisa i no save mekim tok i skrapim bel bilong man na ol i save gut long autim tok, na ol i ken go lukim ol dispela man. Yumi ken tokim man bilong haus, yumi kam bilong kisim save olsem wankain man i stap yet long dispela haus o nogat. Sapos man i no kros moa, ol pablisa i ken autim tok gen long dispela haus. Tasol sapos man i kros yet, no ken go bek lukim dispela man inap wanpela yia moa. Ol elda bilong kongrigesen i ken skelim ol kain man olsem em ol i stap long teritori na ol i ken save, long kain man olsem i gutpela ol i senisim pasin bilong mekim ol dispela samting yumi stori pinis long en o nogat.

This article is repeated in km 6/94.

    Tok Pisin Pablikesen (1983-2025)
    Log Aut
    Log In
    • Tok Pisin
    • Serim
    • Preferens
    • Copyright © 2025 Watch Tower Bible and Tract Society of Pennsylvania
    • Ol Lo Bilong Yusim
    • Privacy Policy
    • Ol Praivesi Seting
    • JW.ORG
    • Log In
    Serim