Ol Gobek i Gat As Bilong En
1 Taim yu mekim gobek, gutpela sapos yu kamapim wanpela skripsa bilong helpim man long kisim sampela save moa long samting yu bin toktok long en long namba wan taim yu bin lukim em.
2 Taim yu go bek long man i bin kisim magasin, ating yu laik stretim rot bilong kisim ol nupela magasin i go long em long olgeta taim. Yu ken mekim liklik tok olsem:
◼ “Taim mi bin kam lukim yu, yu kisim wanpela Wastaua i stori long pasin bilong bel nogut; long olgeta taim i no stret o olsem wanem? Nau mi kisim wanpela nius Awake! i kam i stori long ‘Gambling—A Growing Addiction.’ Planti man long dispela hap i save pilai laki, a? [Stori liklik long samting ol man i save mekim long hap bilong yu.] Planti man i pilai laki, long wanem, ol i laik helpim sindaun bilong ol i kamap gutpela moa. Tasol Baibel i helpim yumi long save, Kingdom bilong God tasol em i rot bilong helpim ol man long kisim gutpela sindaun tru.” Kaunim Aisaia 35:3-6, na tilim magasin, na nau tokim em, bai yu kam gen wantaim ol nupela magasin na stori moa long ol samting God i bin tok promis long mekim bilong helpim ol man i save bihainim tok bilong Em. No ken lusim tingting: Long olgeta taim yu kisim magasin i go long man, raitim olsem wanpela gobek long ripot bilong yu.
3 Sapos yu bin tilim “Wastaua” i stori long “No Gat Pait Moa—Long Wanem Taim?,” yu ken tok:
◼ “Sapos olgeta pait i pinis na i no gat pait moa long graun, yu ting yumi inap kisim wanem kain sindaun? [Larim man i bekim tok.] Mi laik kamapim wanpela samting God i bin tok promis long mekim.” Kaunim Song 37:10, 11, na stori long wanem kain sindaun yumi inap kisim taim laik bilong God i kamap pinis long graun. Kirapim man long tingim dispela beten Jisas i bin lainim ol disaipel long en, long Matyu 6:9, 10. Helpim em long skelim gut ol dispela tok bilong Jisas. Tilim sabskripsen bilong Wastaua o Kirap!, na stretim rot bilong yu ken i go bek na stori moa long dispela samting.
4 Sapos yu go bek bilong stori moa long dispela tok “Bel Nogut—Yu Ting Long Olgeta Taim i No Stret,” long “Wastaua” bilong Septemba 15, yu ken kirapim tok olsem:
◼ “Taim mi bin kam lukim yu, yumi bin stori long pasin bilong bel nogut. Pes 5 bilong dispela magasin i kamapim stori bilong wanpela meri, na olsem wanem pasin bilong bel nogut long narapela man, klostu dispela i bagarapim tru sindaun bilong em. Rom 8:21 i tok promis olsem, bihain, pasin bilong laikim tru narapela bai win, na bai i no gat wanpela man i stap i save bel nogut long narapela.” Ating nau yu ken tokim em yu laik stadi wantaim em long Baibel o yu ken stretim rot bilong go bek lukim em na stori moa wantaim em long Baibel.
5 Yumi gat bikpela laik long kirapim Baibel-stadi. Ating yu bin mekim sampela gobek long man i kisim “Wastaua” na “Kirap!” Narapela taim yu go bek, traim mekim dispela tok:
◼ “Ol man i gat kain kain tingting long lotu, na ol i laik save, lotu inap helpim man long kisim gutpela sindaun o olsem wanem? Ol man i gat kain kain tingting long i gat wanem as na God i larim pasin nogut i stap o i gat wanem as na yumi go lapun na dai. Sampela man i laik save long rot bilong beten na bai God i ken harim.” Kisim wanpela buk yumi save stadi wantaim ol man long en, na opim long wanpela hap yu ting man bilong haus bai i gat laik long en, na stori liklik long pasin bilong yumi long mekim stadi wantaim man.
6 Jehova em i God bilong kamapim laik bilong em. Long mun Oktoba gutpela sapos yumi bihainim pasin bilong em na mekim ol gobek i gat as bilong en.