Tri Tausen Foa Handet!

Long Ogas 1998 mipela i laik bai ol pablisa bilong Papua Niugini i putim ripot ol i mas inapim dispela namba. Olsem wanem? Yumi inap winim dispela namba? Yes, yumi inap! Long nau, lista bilong ol kongrigesen insait long kantri i makim olsem yumi gat 3,500 samting pablisa. Tasol namba wan bikpela namba bilong ol pablisa i bin putim ripot long wanpela mun em 3,345, long Me 1995. Olsem wanem yumi inap winim dispela namba? Yumi inap winim dispela namba sapos olgeta wan wan pablisa long kongrigesen i stretim ol samting bambai ol i insait long wok autim tok long Ogas na putim hariap ripot bilong ol long pinis bilong mun. Ol kuskus bilong kongrigesen i mas tingim gut wok bilong ol long bungim na salim ol ripot hariap. Namba wan na namba tu de bilong mun em Sarere na Sande, olsem na i gutpela sapos yumi stretim ol samting bilong insait long wok autim tok kirap long dispela Sarere Sande. Taim yumi kirap hariap long mekim wok long mun, yumi no inap lus long mekim sampela wok autim tok long Ogas. Taim yumi olgeta i wok wantaim, ating bai yumi lukim namba bilong ol pablisa long Papua Niugini i go antap moa winim olgeta taim bipo. Sapos yumi mekim olsem, dispela bai litimapim tru nem bilong Jehova!​—⁠Sng 47:⁠1.