Ol Tok Yu Ken Mekim Bilong Tilim Ol Nius

Wastaua Disemba 1

“Long dispela taim bilong yia, planti man i laik givim ol presen na mekim ol narapela gutpela pasin. Dispela i kirapim yumi long tingim tok bilong Jisas i stap long Matyu 7:12. [Ritim Matyu 7:12.] Yu ting ol man inap bihainim dispela tok long olgeta de bilong yia? [Larim man i bekim tok.] Dispela nius i kamapim planti gutpela stori long dispela tok ‘Yu Save Mekim Pasin Long Man Olsem Yu Laik Em i Mekim Long Yu?’ ”

Wastaua Disemba 15

“Long dispela taim bilong yia, planti man i save tingim Jisas Krais, maski ol i bilip long em o nogat. Sampela i tok em i no wanpela man i bin stap tru. Wanem tingting bilong yu? [Bihain long man i bekim tok, ritim Matyu 16:​15, 16.] Mi ting bai yu amamas long ritim dispela stori long ‘Jisas Tru Tru’ na lukim olsem wanem em i mekim sampela samting long laip bilong yu long nau na long bihain.”

Awake! Disemba 22

“Ating yu wanbel long tok olsem, bilong yumi ken stap gut oltaim yumi mas kisim gutpela kaikai i no gat ol sik samting long en. [Larim man i bekim tok.] Lukim tok promis God i mekim long lain bilong em long taim bilong ol man i bin raitim Baibel. [Ritim Wok Pris 26:​4, 5] Nius Awake! i stori long ol samting bilong kaikai em ol man i save tingting planti long en. Em i stori long taim God bai kamapim gutaim long olgeta hap.”