Ol Tok Yu Ken Mekim Bilong Tilim Ol Nius

Awake! Epril 8

“Ol drak i bagarapim laip bilong planti yangpela, dispela em i samting nogut tru, a? [Larim man i bekim tok.] Planti taim ol hevi i save kamap taim ol yangpela i bung wantaim ol poroman nogut. [Ritim 1 Korin 15:33.] Dispela Awake! i stori long ol samting i save kirapim ol yangpela long kisim ol drak, na ol samting ol papamama i ken mekim na bai dispela hevi i no ken painim ol pikinini.”

Wastaua Epril 15

“Long nau planti man i lukim olsem ol man i no tingim tumas ol pasin bilong lotu. Yu bin luksave tu long dispela samting? [Larim man i bekim tok. Bihain ritim Song 119:105.] Pasin bilong tingim ol samting bilong lotu inap helpim ol man long abrusim planti hevi i save painim ol man. Dispela nius i stori long yumi inap painim we ol gutpela lo bilong stiaim yumi long ol samting bilong lotu?”

Wastaua Me 1

“I gat sampela askim ol man i no inap long bekim. Lukim wanpela kain askim olsem. [Ritim Jop 21:⁠7.] Yu yet i gat wanpela askim yu laik givim long God? [Larim man i bekim tok.] Dispela nius i stori long olsem wanem ol man bilong olgeta hap i bin painim ol gutpela bekim long tripela bikpela askim long ol samting bilong i stap bilong man.”