Ol Tok Yu Ken Mekim Bilong Tilim Ol Nius

Wastaua Jun 15

“Sampela man i ting Jisas em i nambawan bikpela man i bin i stap. Sampela narapela i ting em i no bin i stap. Yu ting tingting bilong yumi long Jisas i bikpela samting? [Bihain long man i bekim tok, ritim Aposel 4:12.] Wanem samting i soim klia olsem Jisas i bin i stap long graun? Dispela nius i skelim dispela askim.”

Awake! Jun 22

“Planti man i wari long ol samting bilong graun, olsem win, wara, na bikbus. Yu ting ol man inap lukautim ol bikbus na ol i no ken bagarap? [Larim man i bekim tok.] Dispela nius i stori long ol samting ol man i mekim bilong lukautim ol bikbus. Nius i stori tu long olsem wanem dispela gutpela tok promis bilong God bai kamap tru.” Ritim Aisaia 11:⁠9.

Wastaua Julai 1

“Pasin bilong laikim em i wanpela bikpela samting long yumi ol manmeri, na tu, yumi mas pilim olsem narapela i laikim yumi. [Ritim tok i stap klostu long piksa long pes 4.] Tasol olsem wanem? Yu lukim olsem ol man bilong nau ol i save ting ol narapela samting i bikpela samting? [Larim man i bekim tok.] Dispela nius i skelim pasin bilong laikim narapela em wanem samting na olsem wanem yumi inap kisim dispela pasin.” Ritim 1 Korin 13:⁠2.