Ol Tok Yu Ken Mekim Bilong Tilim Ol Nius

Wastaua Me 15

“Yu ting wanpela taim bai kamap na i no gat ol man i stap rabis? [Larim man i bekim tok.] Lukim tok promis bilong God. [Ritim Aisaia 65:21.] Dispela Wastaua i stori long olsem wanem dispela tok promis bai kamap tru.” Makim taim bilong go bek bilong skelim dispela askim: Truim bilong dispela tok promis bai kamap long wanem taim?

Awake! Me 22

“Planti man i bin harim olsem eksasais em i bikpela samting bilong helpim helt bilong yumi, tasol planti ol i tok ol i no save eksasais tumas. Ating yu wanbel long dispela tok, a? [Larim man i bekim tok.] Dispela nius i skelim ol gutpela samting pasin bilong eksasais oltaim i save kamapim, na i givim sampela tingting long olsem wanem yumi ken painim taim bilong eksasais maski yumi bisi.”

Wastaua Jun 1

“Maski planti man i save toktok long bel isi, ol lain man i no stap wanbel. Yu ting pasin bilong stap wanbel i wanpela driman nating tasol? [Larim man i bekim tok.] Dispela nius i stori long wanpela gavman em inap mekim na ol lain man bai stap wanbel.” Ritim Song 72:​7, 8, na makim taim bilong go bek na stori long olsem wanem dispela samting bai kamap.