Ol Tok Yu Ken Mekim Bilong Tilim Ol Nius

Wastaua Me 15

“Long olgeta de yumi harim stori bilong kros pait. Yu ting dispela kain pasin i bin stap tu long bipo? [Larim man i bekim tok.] Lukim tok Baibel i mekim. [Ritim Matyu 24:37.] Long taim bilong Noa ol man i bin mekim ol pasin nogut tru, olsem na God i bin bagarapim olgeta man na larim Noa na famili bilong em tasol i stap. Dispela nius i stori long olsem wanem ol dispela samting i bikpela samting long yumi long nau.”

Awake! Me 22

“Long nau, sik ol binatang i kamapim i wanpela bilong ol samting i save nogutim helt bilong yumi. Yu save olsem i gat sampela samting yumi inap mekim bilong lukautim yumi yet? [Larim man i bekim tok.] Dispela nius i stori long ol dispela samting, na tu, em i stori long tok promis bilong Baibel long wanpela taim bai kamap na bai i no gat ol sik.” Bilong pinisim tok, ritim Aisaia 33:⁠24.

Wastaua Jun 1

“Ol ripot i stori long ol man i paulim mani i mekim na planti man i tingting planti olsem i gutpela long ol i givim mani long ol lain i mekim wok bilong helpim ol man o nogat. Tasol i gat planti man i sot long ol samting. Yu ting yumi inap mekim wanem? [Larim man i bekim tok. Ritim Hibru 13:16.] Dispela nius i stori long pasin bilong givim em God i amamas long en.”