Ol Tok Yu Ken Mekim Bilong Tilim Ol Nius

Wastaua Mas 15

“Long dispela taim bilong yia, planti man i tingting long dai bilong Krais. Lukim tok Baibel i mekim long pasin bilong tingim dai bilong em. Ritim Luk 22:19. Ol namba wan stori bilong dispela Wastaua i stori long wanem mining bilong Kaikai Bilong Bikpela na dispela i mekim wanem long yumi olgeta.”

Awake! Mas 22

Taim yu stori pinis long wanpela samting nogut i bin kamap na ol man i tingting planti long en, mekim dispela askim: “Sampela taim yu tingting i gat wanem as na God i larim ol kain samting olsem i kamap? [Larim man i bekim tok. Ritim Jems 1:13.] Dispela stori, em ol i raitim bilong ol yangpela, i stori long i gat wanem as na gutpela Man Bilong Wokim yumi i no mekim yet ol samting bilong pinisim pen na hevi bilong ol man.”

Wastaua Epril 1

“I no gat planti arapela tok bilong Baibel ol man i gat kain kain tingting long en olsem ol i gat long mak bilong wel animal. Yu bin harim sampela stori long dispela mak? [Larim man i bekim tok. Ritim Kamapim Tok Hait 13:16-18.] Baibel yet i stori long ol samting i helpim yumi long kisim save long mining bilong dispela tok hait. Dispela magasin i stori long ol dispela samting.”