Nupela Program Bilong Kibung Sekit
Pinis i kam klostu tru, na yumi mas holimpas ol gutpela pasin i makim olsem yumi Kristen. (KTH 16:15) Olsem na i stret tim bilong kibung sekit bilong 2006 i olsem: “ ‘Kamap Nupela Man’ Long Pasin Bilong Yu.”—Kl. 3:10.
De Namba Wan: Tok i gat fopela hap, “Kamapim Nupela Pasin,” bai soim yumi olsem wanem wok bilong mekim nupela pasin i kamap strong moa i helpim olgeta samting long laip bilong yumi. Yumi ken mekim wanem bilong strongim nupela pasin bilong yumi? Ol bai skelim dispela long tupela laspela tok bilong de namba wan, “Lain Long Skelim Long Bel Ol Gutpela Tok” na “Skul Bilong Helpim Man Long Bihainim Moa Yet Nupela Pasin.”
De Namba Tu: Namba 2 tok i gat fopela hap bai stori long olsem wanem nupela pasin i helpim yumi long bosim gut maus bilong yumi, “Lain Long Kamapim Ol Tok Olsem Man i Gat Savetingting.” Nem bilong pablik tok em “Yu Wok Yet Long Winim Satan?” Dispela tok bai kamapim olsem yumi mas tingim gut ol samting Satan i laik mekim bilong pundaunim yumi. Tupela laspela tok bilong kibung, “No Ken Larim Pasin Bilong Dispela Graun i Mekim Yu i Kamap Doti” na “Mekim Bel i Kamap Nupela Gen Long Olgeta De,” bai helpim yumi long sakim ol tingting na pasin i pait wantaim stretpela pasin bilong God, na tu, ol dispela tok bai helpim yumi long stap strong long lotuim Jehova.
Yumi amamas tru long tingim dispela gutpela tok i kirapim yumi long holimpas nupela pasin!