Riviu Bilong Kibung Sekit

Skelim ol tok i stap long dispela pes long Miting Bilong Wok bai kamap paslain long kibung sekit bilong 2006 na bihain long en. Wasman siaman bai stretim rot long mekim dispela olsem Wok Kingdom bilong Februeri 2005, pes 6 i makim. Mekim olgeta askim long taim bilong riviu, kirapim olgeta long tingim olsem wanem yumi ken bihainim ol tok i bin kamap long kibung.

DE NAMBA WAN

1. Olsem wanem yumi kisim nupela pasin? Bilong wanem yumi mas wok strong long holimpas nupela pasin bilong yumi?

2. Sampela i bin mekim wanem bilong insait moa long wok autim tok?

3. Bilong wanem yumi no ken skelim samting yumi yet inap mekim wantaim samting narapela inap long mekim?

4. Olsem wanem ol lain insait long famili i ken kamapim nupela pasin namel long ol yet?

5. Olsem wanem yumi ken soim olsem oltaim yumi sapotim ol wok bilong kongrigesen?

6. I gat wanem as na yumi mas kamapim nupela pasin bilong yumi taim yumi autim tok?

7. Wanem ol samting i insait long wok bilong skelim long bel ol gutpela tok? Pasin bilong skelim long bel ol tok i helpim yumi olsem wanem?

8. Wanem sampela pasin bilong yumi inap helpim Jehova long skulim yumi?

DE NAMBA TU

9. Olsem wanem em i bikpela samting long mekim gutpela wok long maus bilong yumi?

10. Wanem gutpela samting i kamap taim yumi mekim ol gutpela tok long ol wanwok, wanskul, na ol narapela?

11. Olsem wanem yumi ken bihainim tok bilong Pol long Efesus 4:​25-32 taim yumi mekim ol samting wantaim ol wanbilip?

12. Wanem nambawan gutpela wok yumi ken mekim long maus bilong yumi?

13. Yumi mas mekim wanem bilong sakim dispela man nogut?

14. Wanem sampela samting em yumi mas wok strong long sakim na bai pasin bilong dispela graun i no ken mekim yumi i kamap doti?

15. I gat wanem as na long olgeta de yumi mas mekim bel bilong yumi i kamap nupela gen? Yumi ken mekim olsem wanem?

16. Wanem tok bilong kibung sekit bilong dispela yia em yu tingting pinis long bihainim?