Riviu Bilong Kibung Sekit

Bai yumi yusim ol dispela askim bilong tingim ol tok bai kamap long kibung sekit long 2005 na bihain yumi ken yusim bilong mekim riviu long dispela kibung. Dispela tok “Nupela Pasin Bilong Mekim Riviu Long Ol Tok Bilong Kibung,” i stap long pes 6 bilong dispela namel pepa, i stori long olsem wanem ol bai mekim dispela tok. Long taim bilong riviu, skelim gut taim bambai i gat haptaim bilong stori long olgeta askim. Riviu i mas kamapim stret olsem wanem yumi ken bihainim ol tok i kamap long kibung.

SARERE MONING

1. Wanem samting bai helpim yumi long kisim savetingting i kam long God?

2. Ol bratasista long sekit bilong yumi i bin mekim wanem bambai ol i ken autim tok long planti man moa?

SARERE APINUN

3. Bilong wanem em i bikpela samting long ol Kristen i mas i stap klin long tingting na bel? Olsem wanem yumi ken mekim olsem?

4. Olsem wanem yumi ken soim olsem yumi stap wanbel wantaim ol brata bilong yumi?

5. Pasin isi inap makim wanem samting? Olsem wanem yumi ken kamapim dispela pasin long ol samting yumi mekim long taim bilong yumi?

6. Pasin bilong Sol na Noa i lainim yumi long wanem samting? Long wanem ol rot yumi ken soim olsem yumi “harim tok”? (Jem. 3:⁠17)

7. Olsem wanem ol Kristen i ken sakim pasin bilong mekim gutpela pasin long ai bilong ol man, tasol long pasin hait ol i mekim narapela pasin?

8. Olsem wanem yumi ken bihainim pasin bilong Pol long tokaut long savetingting bilong God?

SANDE MONING

9. Bilong wanem yumi mas was gut long ol samting yumi mekim? Wanem samting bai helpim yumi long mekim olsem?

10. Ol bratasista long sekit bilong yumi i save wok strong long mekim wanem bilong go oltaim long ol miting? Olsem wanem dispela i bin helpim ol?

11. Olsem wanem ol het bilong famili i ken helpim famili bilong ol long kamap strong?

12. Ol i kamapim wanem tok bilong helpim sekit?

SANDE APINUN

13. Olsem pablik tok i kamapim, wanem ol gutpela wok i bin kamap long rot bilong savetingting i kam long God?

14. Bilong wanem em i no gutpela tingting long bilip long yumi yet o long ol man em savetingting bilong God i no stiaim ol? Long wanem ol samting yumi mas was gut?

15. Savetingting i kam long God i lukautim yumi long wanem ol samting?

16. Bilong wanem em i bikpela samting long yumi bihainim ol tok yumi harim long kibung sekit?