Riviu Bilong Spesel De Kibung

Bai yumi yusim ol dispela askim bilong tingim ol tok bai kamap long spesel de kibung long 2005 na bihain yumi ken yusim bilong mekim riviu long dispela kibung. Dispela tok “Nupela Pasin Bilong Mekim Riviu Long Ol Tok Bilong Kibung,” i stap long pes 6 bilong dispela namel pepa, i stori long olsem wanem ol bai mekim dispela tok. Long taim bilong riviu, skelim gut taim bambai yu ken kamapim olgeta askim. Riviu i mas kamapim stret olsem wanem yumi ken bihainim ol tok i kamap long kibung.

MONING

1. Bilong wanem em i bikpela samting long yumi mas putim yau long tok bilong Jehova? Pasin bilong harim tok bilong Jehova i makim wanem samting? (“Bilong Wanem Yumi Mas Putim Yau Long Tok Bilong Jehova”)

2. Olsem wanem ol famili i ken bihainim gut wanpela sediul bilong mekim ol samting bilong spirit? (“Ol Famili i Putim Yau Long Tok Bilong God na Tingting Bilong Ol i No Wokabaut”)

3. Olsem wanem ol bratasista long sekit bilong yumi i bin autim tok taim rot i op long ol i autim tok long kain kain taim na ples? ( “Mekim Olgeta Samting Bilong Givim Biknem Long God”)

4. Yumi inap lainim wanem ol samting long tok lukaut i stap long Hibru sapta 3 na 4? Olsem wanem Jehova i wok long toktok wantaim yumi long nau? (“Pasin Bilong Putim Yau Taim God i Toktok Bai Lukautim Yumi”)

5. Tok bilong baptais i helpim yu olsem wanem? ( “Dediket na Baptais”)

APINUN

6. Yumi inap kisim wanem save long Jisas taim em i yangpela? Olsem wanem ol yangpela long sekit bilong yumi i bihainim pasin bilong em? (“Olsem Wanem Pasin Bilong Putim Gut Yau Long Tok Bilong God i Strongim Ol Yangpela”)

7. Wanem sampela rot em papamama i ken bihainim bilong skulim ol bebi na ol pikinini i bikpela liklik long rot bilong Jehova? (“Ol Liklik Pikinini i Putim Yau Long Tok Bilong God na Ol i Kisim Save”)

8. Wanem sampela samting yumi mas mekim bilong putim gut yau long tok bilong Jehova, Pikinini bilong em, na “wokboi i gat gutpela tingting”? (Mt. 24:45) Bilong wanem em i bikpela samting long yumi mekim olsem? (“Oltaim Putim Gut Yau Long Tok Bilong God”)