Riviu Bilong Spesel De Kibung

Skelim tok i stap long dispela pes long Miting Bilong Wok paslain liklik long spesel de kibung bilong 2006 na bihain liklik long taim kongrigesen i mekim pinis kibung. Wasman siaman bai stretim rot bilong skelim ol dispela askim paslain na bihain long kibung, olsem Wok Kingdom bilong Februeri 2005, pes 6, i stori long en. Long taim bilong riviu, brata i mas kamapim olgeta askim, na kamapim stret olsem wanem yumi ken bihainim ol tok i bin kamap long kibung.

MONINGTAIM

1. Wanem mining bilong dispela tok ai bilong yumi i holim wanpela tingting? Bilong wanem em i hatwok long mekim olsem long nau? (“Bilong Wanem Ai Bilong Yu i Mas Holim Wanpela Tingting?”)

2. Olsem wanem pasin bilong larim ai i holim wanpela tingting i helpim yumi? (“Kisim Ol Blesing Taim Ai Bilong Yumi i Holim Wanpela Tingting”)

3. Olsem wanem ol wok samting yumi mekim long olgeta de inap givim hevi long yumi? (“Ai Bilong Yumi i Holim Wanpela Tingting Maski Yumi Stap Namel Long Ol Man Nogut”)

BELO BEK

4. Ol papamama na ol arapela inap mekim wanem bilong kirapim ol yangpela long putim ol mak bilong spirit na wok long winim ol? (“Ol Papamama Husat i Sutim Stret Ol Spia Bilong Ol” na “Ol Yangpela Em Ol i Wok Long Winim Ol Mak Bilong Spirit”)

5. Yumi laik mekim wok wantaim oganaisesen bilong Jehova. Olsem wanem yumi (a) wan wan i ken mekim olsem? (b) ol famili i ken mekim olsem? (c) ol kongrigesen i ken mekim olsem? (“Tingting Strong Long Mekim Wok Wantaim Oganaisesen Bilong Jehova”)