Ol Samting Bilong Tingim Long Memorial

Ol elda i mas tingim ol dispela samting bilong redi long Memorial:

◼ Yupela i mas tilim bret na wain taim san i go daun pinis.

◼ Yupela i mas wokim bret na baim wain i stret bilong mekim Memorial.​—⁠Lukim Wastaua, Februeri 15, 2003, p. 14-​15.

◼ Redim ol plet, ol glas, na wanpela gutpela tebol na laplap bilong karamapim tebol. Paslain long bung i kirap, kisim ol dispela samting i kam long Haus Kingdom na putim gut long ples bilong ol.

◼ Paslain long Memorial, klinim gut Haus Kingdom o narapela ples yupela bai mekim bung long en.

◼ Paslain long Memorial, makim ol brata bilong mekim wok atendan na ol brata bilong tilim bret na wain. Toksave long ol long ol wok ol i mas mekim na ol i mas werim gutpela klos na mekim gut skin.

◼ Sapos 2-pela o 3-pela kongrigesen i mekim Memorial long wanpela Haus Kingdom, orait ol i mas wok gut wantaim long stretim ol samting bambai ol man i no pas pas long rot, na dua, na ples bilong putim ka.

◼ Sapos yupela i mekim wok long narapela ples, orait redim gut ol samting bilong saun na bai olgeta manmeri inap harim gut tok.