Nupela Program Bilong Kibung Sekit
Olsem wanem yumi inap sanap strong namel long ol man husat i birua tru long lotu i tru? Olsem wanem yumi inap sakim ol traim bilong Satan long pulim yumi i go bihainim ol pasin bilong dispela graun? Program bilong kibung sekit bilong 2009 bai bekim ol dispela bikpela askim. As tok bilong kibung em “Mekim Gutpela Pasin na Bai Yu Daunim Pasin Nogut.” (Ro. 12:21) Ol tok i stap daunbilo em ol tok bai kamap long dispela kibung.
Wasman distrik bai mekim ol dispela tok “Kisim Strong Bilong Mekim Gutpela Pasin na Daunim Pasin Nogut,” “Yumi Mas Lukaut, Nogut Yumi Hambak Long Save na Strong Bilong Yumi!” na “Klostu Nau Olgeta Pasin Nogut Bai Pinis!,” na “Strongim Bilip Bambai Yumi Ken Winim Strong Bilong Dispela Graun.” Wasman sekit bai mekim dispela tok “Nau Em i Taim Bilong Lusim Slip na Kirap!,” em Rom 13:11-13 i as bilong en, na “Long Taim Nogut Yu No Ken Bel Hevi na Bun i Slek,” em Sindaun 24:10 i as bilong en. Yumi laik putim yau tu long dispela tok bilong wasman sekit em “Sampela Tok Bilong Helpim Sekit.” Narapela tok bilong strongim yumi em “Yu Inap ‘Mekim Tru Wok Bilong Helpim Ol Man’—Long Rot Bilong Wok Painia?” Namba wan bilong tupela tok i gat fopela hap bilong en, em, “Sanap Strong na Sakim Ol Pasin Trik na Giaman Bilong Satan.” Em bai helpim yumi long luksave na sakim ol pasin trik bilong Satan i kamap long rot bilong ol nupela masin samting, ol amamas, na ediukesen. Tok i gat fopela hap, nem bilong en, “Kisim Strong Long Sakim Satan Nau Long Dispela Taim Nogut” bai helpim yumi long olsem wanem yumi ken bihainim tru ol tok i stap long Efesus 6:10-18.
Wok bilong autim tok bilong Kingdom em i bikpela samting bilong helpim yumi long winim Satan—em i as bilong pasin nogut. (KTH 12:17) Satan i no save malolo long birua long ol Witnes Bilong Jehova, na yumi no kirap nogut long dispela samting! (Ais. 43:10, 12) Tasol Satan bai i no inap tru long win, long wanem, yumi tingting strong long “mekim gutpela pasin na bai [yumi] daunim pasin nogut.” Stretim ol samting nau na bai yumi ken kisim ol gutpela tok bilong helpim yumi insait long dispela tupela de bilong kibung sekit.