Nupela Program Bilong Spesel De Kibung

As tok bilong spesel de kibung bilong 2009 em “ ‘Lukautim na Mekim Gut Dispela Wok’ Autim Tok,” i kam long Kolosi 4:​17. Yumi ol Kristen i mas tingim gut tru dispela tok. Yumi laik mekim gut wok autim tok bilong yumi, olsem Jisas i bin mekim. (Jo. 17:14) Aposel Pol tu i stap olsem gutpela piksa tru long dispela wok em yumi ken bihainim. Em i tingting strong long pinisim tru wok bilong em long autim tok.​​—⁠Ap. 20:⁠24.

Tok bilong wasman sekit bai soim olsem wanem sampela pablisa i bin winim ol hevi i laik pasim ol long wok autim tok bilong ol. Bihain long en, dispela tok “Lukautim Gut Ol Kaikai Yu Bin Planim” bai stori long olsem wanem yumi ken helpim tru “olgeta manmeri God i bin makim bilong kisim laip i stap gut oltaim.” (Ap. 13:48) Brata em brens i salim i kam bai mekim dispela tok “Olsem Wanem Yumi Soim Olsem Yumi Wokman Bilong God?,” na insait long dispela tok em bai stori long olgeta wan wan ves bilong 2 Korin 6:​1-​10. Long apinun, em bai mekim dispela tok “Tingim Tru Wok Bilong Yu Long Autim Tok.” Yupela bai kisim ol gutpela tok bilong strongim yupela long ol dispela tok “Ol Yangpela na Ol Lapun i Amamas Long Autim Tok” na “Ol Yangpela Husat i Mekim Gut Wok Autim Tok.” Ol lain husat i laik kisim baptais long kibung sekit o spesel de kibung, i mas toksave hariap long wasman siaman. Wanpela bikpela hap bilong ol kibung bilong yumi em pasin bilong mekim Stadi Wastaua. Kisim Wastaua bilong stadi long wik bilong spesel de kibung i kam wantaim yu long kibung.

Taim yumi lukautim na mekim gut wok autim bilong yumi, yumi wok strong na bai laik bilong yumi na ol wok bilong yumi i no ken pasim yumi long mekim ol wok Jehova i givim long yumi. Ol gutpela tok bilong Baibel bilong strongim yumi em yumi harim long dispela spesel de kibung, dispela i mas helpim yumi olgeta long tingim tru ol samting yumi mas mekim bilong holim stretpela tingting na tingim olsem wanem yumi bai inapim tru wok autim tok bilong yumi.