Yu Bin Mekim Wok Long Baksait Pes Bilong Wastaua?
Taim ol man i kisim wanpela magasin, ol i save lukim fran pes na bihain baksait pes. Long baksait pes bilong Wastaua bilong pablik i gat sampela tok na askim i kirapim tingting bilong ol man, na namba bilong pes we ol dispela tok i stap long en.
Yumi ken yusim ol tok i stap long baksait pes bilong kamapim ol askim bilong kirapim tok wantaim ol man. Sapos yumi save autim tok planti taim long wankain teritori, orait insait long wanpela mun, yumi ken senisim tok bilong yumi long rot bilong kamapim ol narapela narapela askim. Sapos man bilong haus i bisi, yumi ken sotim tok bilong yumi na soim em wanpela askim long baksait pes na tok, “Sapos yu laik save long bekim bilong dispela askim, mi ken lusim dispela magasin wantaim yu, na yumi ken stori moa taim yu gat taim.” Sampela pablisa inap kirapim tok long rot bilong soim baksait pes long man bilong haus, na tokim em long makim wanpela askim i kirapim tingting bilong em. Pablisa inap soim pes we bekim i stap na ritim wanpela skripsa em i bin makim pinis bilong ritim. Ating yu inap tingim ol narapela rot we yu ken mekim wok long baksait pes bilong Wastaua bilong kirapim laik bilong ol man long ritim dispela magasin.