Ol Tok Bilong Tilim Ol Nius

Wastaua Septemba 1

“Sampela taim ol man i mekim pasin nogut, long wanem, ol i bihainim ol bilip giaman bilong lotu. Yu ting wanem samting i mekim na ol man i bihainim ol bilip giaman? [Larim man i bekim tok.] Lukim tok Baibel i mekim. [Ritim 1 Jon 4:⁠1.] Dispela stori i kamapim as na em i bikpela samting long yumi mas skelim ol bilip bilong yumi wantaim tok bilong Baibel.” Soim stori i kirap long pes 10.

Awake! Septemba

Ritim Matyu 5:39. Na mekim dispela askim: “Yu ting Jisas i laik tok olsem taim wanpela i rongim yumi, yumi mas karim hevi tasol na no ken toktok? [Larim man i bekim tok.] Dispela stori i soim tok Baibel i mekim long pasin bilong lukautim yumi yet, na long askim ol polis na kot samting long helpim yumi.” Soim stori i kirap long pes 10.

Wastaua Oktoba 1

“Ol manmeri bilong kain kain lotu long olgeta hap bilong graun i save prea. Yu ting God i save harim na bekim prea bilong ol man? [Larim man i bekim tok.] Baibel i strongim yumi long prea. [Ritim Filipai 4:​6, 7.] Dispela magasin i kamapim bekim Baibel i givim long 7-pela askim planti man i save mekim long prea.”

Awake! Oktoba

“Planti taim yumi harim stori bilong ol man em poroman marit bilong ol, ol bikman bilong politik, o narapela man, i bin giamanim ol. Yu ting i hatwok moa long nau long painim ol man em yumi inap bilip long ol? [Larim man i bekim tok.] Planti man i pilim olsem dispela skripsa i kamap tru long nau. [Ritim 2 Timoti 3:​1-5.] Dispela magasin i stori long yumi inap painim we ol manmeri em yumi inap bilip long ol.”