Ol Tok Bilong Tilim Ol Nius

Wastaua Oktoba 1

“Planti i laik save sapos God i save tingim ol wari na bel hevi bilong yumi o nogat. Yu ting wanem? [Larim man i bekim tok. Ritim Song 34:18.] Stori i kirap long pes 19 i stori long olsem wanem God i helpim yumi long winim ol kain tingting olsem yumi pilim yumi samting nating tasol, yumi bel hevi tru, na bel i kotim yumi tumas.”

Kirap! Oktoba

“Sampela man i ting God i wanpela strong tasol. Sampela narapela i ting em i wanpela man i save pilim ol samting. Yu gat wanem tingting? [Larim man i bekim tok.] Lukim dispela tok. [Ritim 1 Pita 5:​6, 7.] Stori i kirap long pes 29 i kamapim bekim bilong Baibel long dispela askim, God i wanpela man tru?”

Wastaua Novemba 1

“Yumi olgeta i laik i stap belgut. Yu ting yumi mas i gat mani bilong i stap belgut? [Larim man i bekim tok.] Wanpela man bilong raitim Baibel i kisim save long rot bilong i stap belgut taim em i no gat planti samting. [Ritim Filipai 4:​11, 12.] Dispela magasin i stori long 5-pela rot em Baibel i kamapim na i helpim yumi long i stap belgut.”

Awake! Novemba

“Sampela man husat i no bilip long God, ol i kolim ol samting nogut ol man i bin mekim long nem bilong God na ol i ting em bai mobeta sapos i no gat ol lotu. Yu gat wanem tingting? [Larim man i bekim tok.] Baibel i stori long wanpela as na ol lotu giaman i bin kamapim planti pen na hevi. [Ritim 2 Timoti 4:​3, 4.] Dispela magasin i kamapim sampela tingting kranki bilong ol man husat i no bilip long God.”