Stori Long Wanpela Tok, na Tilim Tupela Nius Wantaim

Ol wan wan magasin i stori long kain kain tok em ol man bai laikim. Yumi no ken traim long kamapim planti tok long man, i gutpela long stori long wanpela samting tasol. Sapos yumi skelim ol samting long haus na yumi save pinis long ol tok i stap insait long tupela nius, bai yumi inap makim wanpela stori we man bilong haus bai laikim. Olsem: Sapos yumi lukim ol toi bilong ol pikinini i stap long haus, ating yumi ken kamapim sampela tok bilong wanpela atikol i stori long famili. Sapos wanpela man i kam long dua, yumi ken stori long samting em planti man i laik toktok long en, olsem stori long wanpela gutpela gavman samting. Maski yumi stori long wanpela tok tasol, yumi mas tilim tupela nius wantaim sapos man i kamapim olsem em i laik harim tok.