“Bai Mi Kisim Nius Bilong Yu Sapos Yu Kisim Bilong Mi”
Sampela man o meri bilong haus i save mekim dispela tok. Yumi no save senisim ol buk o nius bilong yumi em Baibel i as bilong en wantaim ol nius bilong ol lotu we i kamapim ol tok giaman, olsem na hau bai yumi bekim tok long gutpela pasin? (Rom 1:25) Yumi ken tok: “Tenkyu. Tasol dispela nius i tok wanem long rot bilong stretim ol hevi bilong ol man? [Larim man i bekim tok. Sapos em i tokim yu long ritim nius bilong em na bai yu kisim bekim, yu ken tokim em olsem yu no save lusim nating nius long ol man, nogat, yu save stori pastaim long wanem ol tok i stap long nius. Na ritim o kolim tok bilong Matyu 6:9, 10.] Tok bilong Jisas i kamapim klia olsem Kingdom Bilong God tasol bai kamapim laik bilong God long graun. Olsem na mi save ritim tasol ol buk na nius bilong lotu we i stori long Kingdom Bilong God. Inap mi soim yu long Baibel sampela samting em Kingdom Bilong God bai mekim?”