Wok Bilong Tilim Invatesen Pepa Bilong Memorial Bai Kirap Long Mas 22
Long dispela yia, wok bilong tilim invatesen pepa bilong singautim ol man i kam long Memorial bai kirap long Sarere, Mas 22. Kirapim olgeta pablisa long insait long dispela wok. Long ol wiken bai yumi tilim tu ol nupela magasin sapos i stret long mekim. Long namba 1 Sarere bilong Epril, bai yumi tilim tasol ol invatesen pepa na yumi no mekim wok long kirapim ol Baibel stadi. Tasol sapos yumi bungim man i laik harim tok, yumi inap kirapim Baibel stadi. Wasman autim tok bai skelim sapos i gutpela long tilim invatesen pepa long ol pablik ples na dispela bai helpim wok bilong kongrigesen long singautim planti man moa long teritori. Wokim lista nau long ol man yu laik singautim, olsem ol famili, wanwok, wanskul, ol gobek, na Baibel stadi, na ol narapela yu save long ol, na givim invatesen long ol taim dispela wok i kirap. Yumi laik bai planti man moa i ken bung wantaim yumi long tingim dispela tupela nambawan bikpela pasin laikim em God na Pikinini bilong em i kamapim.—Jon 3:16; 15:13.